پەروەردەی کەلار داوای هاوکاریی لە خێرخوازان دەکات

2022/09/07 - 05:34 | 145 جار بینراوە    
 
دەنگ نێت
 
بەڕێوبەری پەروەدەی کەلار باس لەوە دەکات کێشەی بینای خوێندنگەیان زیاتر بوە و بۆ ئەمەش داوای هاوکاری لە خێرخوازان دەکات.
 
لە بەرنامەی رۆژێکی تری رادیۆی دەنگ کەلەبارەی ئامادەکاریەکانی ساڵی نوێی خوێندن سازکرابو، بەڕێوبەری پەروەدرەی کەلار، م. عەدالەت لەتیف، وتی: بەگشتی گرفتی کەمی خوێندنگامان هەیە، بەڵام لەهەردو گەڕەکی (گازینۆ) و (بەردەسور) لۆدێکی زیاتریان لەسەرە.
 
ئەم لۆدەش بە وتەی خۆی بوەتە هۆی ئەوەی ژمارەیەک خوێندنگا دەوامکردنیان بکرێت بە سێ تاق.
 
 بەڕێوبەری پەروەردەی کەلار، بۆ چارەسەری ئەم کێشەیە داوای هاوکاری لە خێرخوازان و کەسانی دیکە کرد بۆ ئەوەی هاوکاریان بن لە دروستکردنی بینای نوێی خوێندنگە دا.
 
 ئەمەش لەکاتیکدایە دەستپێکردنەوەی دەوام چەند رۆژێکی کەمی ماوە و بۆ ئەمساڵی خوێندنیش ١٧ قوتابخانەی لە گەرمیان   دەکرێنە سێ دەوامی، کە رێژەکە بەراورد بە پارساڵ زیاترە.



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 847,080     ژمارەی میوان 45