ئەمساڵ لە گەرمیان ١٩٩ کەس سەگ گەستویەتی

2022/09/01 - 09:16 | 105 جار بینراوە    
 
دەنگ نێت- رەنج زەیدان
 
لە ماوەی ٨ مانگی ئەمساڵدا ١٩٩ حاڵەتی گەستنی سەگ لە گەرمیان تۆمارکراوە و جێگری بەرێوبەری نەخۆشخانەی فریاکەوتنی شەھید ھەژار لە کەلاریش دەڵێت بەراورد بە پار ساڵ١٢ حاڵەت کەمی کردوە.
 
رزگار لەتیف، جێگری بەڕێوبەری نەخۆشخانەی فریاکەوتنی شەھید ھەژار لە کەلار بۆ رادیۆی دەنگ وتی: لە ھەشت مانگی سەرەتای ئەمساڵدا ١٩٩ حاڵەتی گەستنی سەگ لە گەرمیان تۆمار کراوە، ئەمە لە کاتێکدایە پار ساڵ تاوەکو ئەم کاتە ٢١١ حاڵەت تۆمار کرابو، بەو پێیەش ١٢ حاڵەت کەمی کردوە.
 
سەبارەت بە بونی ڤاکسینی گزازی تایبەت بەو حاڵەتانە، ھێمای بۆ ئەوەکرد: مانگانە پێویستمان بە ٤٠ بۆ ٥٠ ڤاکسینە، بەپێی کات بۆمان دابین دەکەن، چونکە لە بەغدادەوە دێتە سلێمانی و بەشی گەرمیان لەوێ وەردەگیرێت.
 
جەختی لەوەشکردەوە: لە ئێستادا گرفت نیە، بەڵام مانگەکانی ٥ و ٦ گرفتمان ھەبو.
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 836,655     ژمارەی میوان 38