پارەی هاندان نیگەرانی لەنێوان گەنجینە و بانکی گەرمیان دروست دەکات

2022/08/26 - 03:17 | 141 جار بینراوە    
 
دەنگ نێت
 
 هێشتا پارەی هاندان بۆ فەرمانبەرانی گەنجینەی گەرمیان خەرج نەکراوە، فەرمانبەرێک دەڵێت: بانکی گەرمیان بۆ کارمەندەکانی خۆی خەرجی کردوە، بەرێوبەری بانکی گەرمیانیش رونکردوە دەدات. 
 
لە ماوەی پێشوتردا فەرمانبەرانی گەنجینەی گەرمیان کە شوێنی کارەکەیان هەر لە نێو بینای بانکی گەرمیانە، گردبونەوەیان کرد بۆ داواکردنی پێدانی پارەی هاندان پێیان کە نزیکەی ٢٠٠ هەزار دینارە بۆ هەر فەرمانبەرێک.
 
یەکێک لەو فەرمانبەرانە بە رادیۆی دەنگی وت: لە دوای ئەو گردبونەوەیەوە کە بە بەڵێنی خەرجکردنی هاندانەکە کۆتاییمان پێهێنا، هێشتا پارەکەمان بۆ خەرج نەکراوە، دەڵێن بەگشتی دواکەوتەوە، بەڵام نازانین چۆن بانکی گەرمیان لەهەمان رۆژدا کە چەکەکەیان بەدەست گەشتوە بۆ کارمەندانی خۆیان خەرجیان کردوە. 
 
 هاوکات بەرێوبەری گەنجینەی گەرمیان، کەنعان عوسمان، بە رادیۆی دەنگی راگەیاند: ئەوەی پێمان وتراوە هۆکاری پێنەدانی هاندانەکە نەبونی سیولەیە لەبانک دا و لە زۆر شوێنی دیکەش دواکەوتەوە ،ئێستاش بەزارەکی پێمان وتراوە کە رۆژی یەکشەمە پێمان دەدرێت. 
 
لەبەرامبەردا، بەرێوبەری بانکی گەرمیان، ئاریا ئەنوەر، بۆ رادیۆی دەنگ وتی: کێشەکە لای ئێمە نیە و هیچ جیاوازیەک نەکراوە، بەڵکو چاوەڕیی رەزامەندی وەزارەتی دارایین لەسەر ئەو بابەتە.



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 847,223     ژمارەی میوان 46