دەنگ نێت
دو پڕۆژەی ئاودێریی لە سنوری گەرمیان راگیراون و تائێستا دەست بەکارکردن تیایدا نەکراوەتەوە، بەڕێوبەری ئاودێریی گەرمیانیش دەڵێت: ٪٣٠ـی کارەکانی هەردو پڕۆژەکە تەواو بوە.
موئەیەد ئەحمەد، بەڕێوبەری ئاودێریی گەرمیان، بە رادیۆی دەنگی وت: سەرباری ئەوەی کە هەردو پڕۆژەی ئاودێریی (کانی کرمانج و شاوازی) گرنگی زۆریان هەیە بۆ گەرمیان و بەتایبەتی ناحیەی مەیدان، بەڵام کارکردن تێیاندا راگیراوە.
دەشڵێت: ئەو دو پڕۆژەیە بەڕێژەی ٪٣٠ کارکردن تێیاندا تەواو کراوە و وەک بودجەش پێویستیان بە ٦٠٠ ملیۆن دینارە.
ئەو بەڕێوبەرە لەبارەی خستنەگەڕی ئەو پڕۆژانەوە دەڵێت: داواکاریمان ناردوەتەوە وەزارەت و لە پلانی بەڕێوبەرایەتی خۆمان و راپۆرتی وشکەساڵیش داوامان کردوە دەست بە جێبەجێکردنیان بکرێتەوە، بەڵام هیچ وەڵامێکمان وەرنەگرتوەتەوە.