مامۆستایانی وانەبێژ لەکەلار درێژە بەخۆپیشاندان دەدەن

2022/07/23 - 07:36 | 183 جار بینراوە    
 
دەنگ نێت
 
بۆجاری دوەم لەم مانگەدا، مامۆستایانی وانەبێژ لەقەزای کەلار خۆپیشاندان ئەنجامدەدەن بۆ داواکردنی دامەزراندنیان و پێدانی شایستە داراییەکانیان.
 
مەجید محەمەد، مامۆستای وانەبێژ لەقەزای کەلار، بۆ رادیۆی دەنگ ئەوەی خستەڕو: سبەینێ یەکشەمە لەپێش بانکی گەرمیان و بۆ جارێکی دیکە خۆپیشاندان ئەنجامدەدەین.
 
دەشڵێت: داواکاری ئێمە بۆ دامەزراندنمانە بە شێوەیەکی فەرمی وپێدانی شایستە داراییەکانمانە لەکاتی خۆیدا، رێگه‌ش ناده‌ین بانك موچه‌ى هیچ ده‌زگایه‌كى دیكه‌ دابه‌ش بكات و شایسته‌كانى ئێمه‌ پشتگوێ بخات.
 
له‌باره‌ى ئه‌نجامدانى شوێنى خۆپیشاندانه‌كه‌وه‌ كه‌ له‌به‌رده‌م بیناى بانك دایه‌ له‌كاتێكدا دامه‌زراندن په‌یوه‌ست نیه‌ به‌و فه‌رمانگه‌یه‌وه‌، مه‌جید محه‌مه‌د رونیكرده‌وه‌: هه‌ر ده‌زگایه‌كى حكومى بێت ئێمه‌ له‌ به‌رده‌می دا په‌یامى خۆمان ده‌گه‌یه‌نین، سه‌رباری ئه‌وه‌ش ئێمه‌ جگه‌ له‌ دامه‌زراندن داواكارى دیكه‌مان هه‌یه‌ كه‌ په‌یوه‌سته‌ به‌ بانكی ناوه‌ندى هه‌رێم و كه‌لاره‌وه‌ كه‌ هێشتا شایسته‌ى مانگى ئایار "پێنجى" ئه‌مساڵی بۆ خه‌رج نه‌كردوین له‌كاتێكدا له‌مانگى ئاب نزیك ده‌بینه‌وه‌.  
 
پێشوتر به هۆی ناڕەزایەتی بەردەوامی مامۆستایانی وانەبێژ، بەشێوەی بڕاوە “مقطوعه‌" پارەی مانگانەیان بۆ دابین کرا، بەڵام ئێستا وەک ئەوەی ئەو مامۆستا وانەبێژە ئاماژەی بۆ دەکات "سێ مانگە کرێی وانەبێژییان بۆ خەرج نەکراوە".
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 836,727     ژمارەی میوان 44