مانگانه‌ ٦٠٪ پاره‌ى كۆمپانیاى پاككه‌ره‌وه‌ى گه‌رمیان خه‌رجناكرێت

2022/01/10 - 03:42 | 230 جار بینراوە    
 
ده‌نگ نێت
 
تا ئێستا گرفتى كۆمپانیاى هه‌ڵگرتنه‌وه‌ى خۆڵ و خاشاك له‌ سنورى گه‌رمیان چاره‌سه‌ر نه‌كراوه‌ و به‌ڕێوبه‌رى گشتى شاره‌وانیه‌كانیش ده‌ڵێت: هۆكارى سستى كاره‌كانی كۆمپانیا نه‌بونى پاره‌ى پێویسته‌ بۆیان.
 
به‌رزان كه‌ریم، به‌ڕێوبه‌رى گشتى شاره‌وانیه‌كانى گه‌رمیان به‌ رادیۆى ده‌نگى راگه‌یاند: "كۆمپانیاى گه‌ردین بۆ كۆكردنه‌وه‌ى خوڵ و خاشاك له‌ سنوره‌كه‌ به‌رده‌وامه‌ له‌ كاره‌كانى، به‌ڵام رێنماییه‌كى وه‌زاره‌تى دارایی كاره‌كانیانى سست كردوه‌ ئه‌ویش ئه‌وه‌یه‌ كه‌ چه‌ند پاره‌ى له‌لاى حكومه‌ت بێت ده‌بێت %40یان پێبدرێت وه‌ له‌ %60ى بخرێته‌ مانگى داهاتوه‌". 
 
وتیشى: سه‌ربارى ئه‌وه‌ش ئه‌و %40یان پێنادرێت تا موچه‌ى فه‌رمانگه‌كانى تر ده‌درێت، ئه‌مه‌ش وایكردوه‌ كاره‌كانیان به‌ سستى به‌ڕێوه‌ بچێت له‌ هه‌ندێك سنورى شاره‌وانیه‌كان.
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 776,396     ژمارەی میوان 15