یەکگرتو لە گەرمیان کاندیدی نیە و یەکلایشی نەکردوەتەوە دەنگ بە کێ دەدات

2021/09/15 - 04:21 | 290 جار بینراوە    
 
دەنگ نێت
 
یەکگرتوی ئیسلامی لە بازنەی 5ی ھەڵبژاردنی گەرمیان ھیچ کاندیدێکی نیە، ھەروەک تائێستاش یەکلای نەکردوەتەوە کادیرەکانی لەم سنورە بەشداریی ھەڵبژاردنەکە دەکەن و دەنگ بە چ لایەنێک دەدەن.
 
بورھان مزەفەر، لێپرسراوی مەڵبەندی گەرمیانی یەکگرتوی ئیسلامی، بە رادیۆی دەنگی راگەیاند: لەماوەیەکی نزیکدا کۆبونەوەی سەرکردایەتی ئەنجامدەدرێت بۆ یەکلاییکردنەوەی دەنگەکانمان لە سنوری بازنەی ٥ی پارێزگای سلێمانی کە گەرمیان و چەمچەماڵ و دەربەندیخان دەگرێتەوە.  
 
وتیشی: ھەمو بژاردەیەکمان لەپێشدا کراوە دەبێت بە ڕێکەوتن لەگەڵ لایەنێکی دیاریکراو یاخود بایکۆتکردنی هەڵبژاردن، یان سەرپشککردنی دەنگدەرەکانمان بە دەنگدان بە هەر لایەنێک کە خۆیان بیانەوێت.
 
لێپرسراوی مەڵبەندی گەرمیانی یەکگرتو، ئەوەشی خستەڕو کە لەگەڵ هیچ لایەنێک بۆ هەڵبژاردنەکانی ئەنجومەنی نوێنەرانی عێراق کەبڕیارە مانگی داهاتو بەڕێوەبچێت، رێکەوتنیان ئەنجامنەداوە.
 
 
 



Dengnet.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 353,741     ژمارەی میوان 10