دهنگ نێت
بهڕێوبهرى نهوت و كانزاكانى گهرمیان دهڵێت سهرجهم رێكارهكانى وهرگرتنى بهنزینهكهى حكومهتى عێراق تهواو كراوه، بهڵام تا ئێستا بهنزینهكه نههاتوه.
یادگار فهتاح، بهڕێوبهرى نهوت و كانزاكانى گهرمیان به رادیۆى دهنگى راگهیاند: سهرجهم رێكارهكانمان تهواوكردوه و چاوهڕێى ناردنى بهنزینهكهی حكومهتى عێراقین، بهڵام هیچ وادهیهكى بۆ دیارى نهكراوه.
وتیشى: بههۆى ئهوهى كرێی گواستنهوهكهى دهخرێته سهر بهنزینهكه له گهرمیان به ٦٥٠دینار نافرۆشرێت و رهنگه نرخى لیترێكى بهنزینهكه بگاته ٦٩٠دینار.
بهڕێوبهرى نهوت و كانزاكانى گهرمیان باسى لهوهشكرد: ئهگهر ناردنى بهنزینهكه دهستپێبكات رۆژانه یهك تهنكهر بهنزین بۆ گهرمیان دهنێردرێت.