ئه‌و به‌نزینه‌ى بڕیاره‌ بۆ گه‌رمیان بنێردرێت نرخى لیترێكى ده‌بێته‌ ٦٩٠دینار

2021/09/12 - 08:03 | 800 جار بینراوە    
 
ده‌نگ نێت
 
به‌ڕێوبه‌رى نه‌وت و كانزاكانى گه‌رمیان ده‌ڵێت سه‌رجه‌م رێكاره‌كانى وه‌رگرتنى به‌نزینه‌كه‌ى حكومه‌تى عێراق ته‌واو كراوه‌، به‌ڵام تا ئێستا به‌نزینه‌كه‌ نه‌هاتوه‌.
 
یادگار فه‌تاح، به‌ڕێوبه‌رى نه‌وت و كانزاكانى گه‌رمیان به‌ رادیۆى ده‌نگى راگه‌یاند: سه‌رجه‌م رێكاره‌كانمان ته‌واوكردوه‌ و چاوه‌ڕێى ناردنى به‌نزینه‌كه‌ی حكومه‌تى عێراقین، به‌ڵام هیچ واده‌یه‌كى بۆ دیارى نه‌كراوه‌.
 
وتیشى: به‌هۆى ئه‌وه‌ى كرێی گواستنه‌وه‌كه‌ى ده‌خرێته‌ سه‌ر به‌نزینه‌كه‌ له‌ گه‌رمیان به‌ ٦٥٠دینار نافرۆشرێت و ره‌نگه‌ نرخى لیترێكى به‌نزینه‌كه‌ بگاته‌ ٦٩٠دینار.
 
به‌ڕێوبه‌رى نه‌وت و كانزاكانى گه‌رمیان باسى له‌وه‌شكرد: ئه‌گه‌ر ناردنى به‌نزینه‌كه‌ ده‌ستپێبكات رۆژانه‌ یه‌ك ته‌نكه‌ر به‌نزین بۆ گه‌رمیان ده‌نێردرێت.
 
 
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,175     ژمارەی میوان 322