ئه‌و پڕۆژه‌یه‌ى بڕیاره‌ بۆ خاوه‌ن پێداویستى تایبه‌ت دروستبكرێت مۆڵه‌تى پێنەدراوە

2021/09/12 - 08:02 | 314 جار بینراوە    
 
ده‌نگ نێت
 
ئه‌مڕۆ به‌رێوبه‌رى چاودێرى و گه‌شه‌پێدانى كۆمه‌ڵایه‌تى گه‌رمیان رایگه‌یاند كه‌ پشتگیریان بۆ كۆمپانیایه‌ك كردوه‌ بۆ دروستكردنى پڕۆژه‌ى نیشته‌جێبون بۆ خاوه‌ن پێداویستى تایبه‌ت و كارى پڕۆژه‌كه‌ش گه‌یشتوه‌ته‌ دیاریكردنى زه‌وى بۆ كۆمپانیاكه‌.
 
ده‌رون عومه‌ر، به‌ڕێوبه‌رى چاودێرى و گه‌شه‌پێدانى كۆمه‌ڵایه‌تى گه‌رمیان به‌ رادیۆى ده‌نگى راگه‌یاند: نوسراوى پشتگیریان بۆ كۆمپانیایه‌كى بوارى نیشته‌جێبون كردوه‌ و له‌ ریِگه‌ى به‌ڕێوبه‌رایه‌تى وه‌به‌رهێنانى گه‌رمیانه‌وه‌ ئاراسته‌ى ده‌سته‌ى وه‌به‌رهێنان كراوه‌ بۆ ئه‌وه‌ى مۆله‌تى پێبدرێت به‌ دروستكردنى هه‌زار یه‌كه‌ى نیشته‌جێبون به‌ شێوه‌ى قیستى درێژخایه‌ن.
 
له‌باره‌ى نرخ و كوالێتى پڕۆژه‌كه‌وه‌ ده‌رون عومه‌ر، وتى: تا ئێستا له‌باره‌ى نرخه‌وه‌ گفتوگۆمان نه‌كردوه‌، به‌ڵام ده‌بێت به‌ نرخێك بێت كه‌ خاوه‌نپێداویستى تایبه‌ت و خێزانه‌كانیان قیسته‌كانیان پێبدرێت.
 
له‌باره‌ى وه‌رگرتنى مۆله‌ته‌وه‌ بۆ پڕۆژه‌كه‌ هونه‌ر مه‌حمود، به‌ڕێوبه‌رى وه‌به‌رهێنانى گه‌رمیان به‌ رادیۆى ده‌نگى راگه‌یاند: ئه‌و پڕۆژه‌یه‌ له‌سه‌ره‌تاى رێكاره‌كانى وه‌رگرتنى موڵه‌ت دایه‌ و مۆڵه‌تى وه‌رنه‌گرتوه‌.
 
 
 
 
 



Dengnet.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 353,841     ژمارەی میوان 39