بۆ فرۆشتنى زه‌ویه‌ گرانبه‌هاكانى گه‌رمیان چاوه‌ڕێى ره‌زامه‌ندى ئه‌نجومه‌نى وه‌زیران ده‌كرێت

2021/06/09 - 05:04 | 946 جار بینراوە    
 
ده‌نگ نێت
 
لەبارەی فرۆشتنی زەوییە گرانبەهاکانی کەلار و دابین کردنى پارەکەیان بۆ پڕۆژه‌ی خزمەتگوزاری لە سنوری گەرمیان ئه‌ندامێکی پەرلەمانی کوردستان ئاماژە بۆ ئه‌وە دەکات کە  چاوەڕوانن لە لایەن ئە نجومەنی وەزیرانەوە بە فەرمی وەڵام بدرێنەوە.
 
دابان محه‌مه‌د، ئه‌ندامی پەرلەمانی کوردستان بە رادیۆی دەنگی وت: ''ئەو زەوییە گرانبه‌هایانەی دیاری کراون لە سنورەکە کە بفرۆشرێت و پارەکەی بۆ خودی گەرمیان خەرج بکرێت بۆ ئەنجامدانی پڕۆژە، ئه‌نجومه‌نی وه‌زیران بە زارەکی لاری نه‌بونی دەربڕیوە لەوباره‌یه‌وه‌.
 
وتیشی: نرخی ئەو زەویانە لە نێوان ٥٠ بۆ ٧٥ ملیۆن دۆلار دەبێت کەپێشنیار کراوە بۆ خزمەتگوزاری و پڕۆژەکانی ناوچەکە بێت.
 
ئاماژەی بەوەشدا: لە ئێستادا چاوەرێى تەواوبونی  نەخشەی بنەڕەتی زەویەکانن و هاوکات وەڵامدانەوەی فەرمی خودی ئەنجومەنی وەزیران پێویستە نوسراو بۆ ئیدارەی گەرمیان بکات.
 
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,692     ژمارەی میوان 658