ده‌نگ نێت
به‌ڕێوبه‌رى كشتوكاڵى گه‌رمیان ده‌ڵێت: راپۆرتیان ئاراسته‌ى وه‌زاره‌ت كردوه و داواى بودجه‌مان كردوه بۆ كڕینى ئالیك و دابه‌شكردنى به‌سه‌ر خاوه‌ن ئاژه‌ڵه‌كان.
شادیه حسێن، به‌ڕێوبه‌رى گشتى به‌ڕێوبه‌رایه‌تى كشتوكاڵى گه‌رمیان له‌مباره‌یه‌وه به رادیۆى ده‌نگى راگه‌یاند: "پێش ئه‌وه‌ى وشكه‌ساڵى له گه‌رمیان رابگه‌یه‌ندرێت له 31ى 3 راپۆرتى خۆمان داوه‌ته وه‌زاره‌تى كشتوكاڵ و ئیداره‌ى گه‌رمیان كه بودجه‌یه‌كى 6 ملیار دینارى بۆ دابین كردنى ئالیك بۆ خاوه‌ن ئاژه‌ڵه‌كان سه‌رف بكرێت".
وتیشى: ناوچه‌ى گه‌رمیان له چاو ناوچه‌كانى ترى كوردستان رێژه‌ى وشكه‌ساڵى تێیدا زیاتره.
ئاماژه‌ى به‌وه‌شكرد: تا ئێستا وه‌ڵام نه‌دراونه‌ته‌وه.