به‌رشه‌لۆنه‌ 2 سیناریۆ بۆ گواستنه‌وه‌ى گارسیا داده‌نێت

2020/12/31 - 02:06 | 513 جار بینراوە    
 
ده‌نگ نێت
 
راپۆرتێكى ئیسپانی ئاماژه‌ به‌وه‌ده‌كات یانه‌ى به‌رشه‌لۆنه‌ 2 سیناریۆی بۆ گواستنه‌وه‌ى ئیریك گارسیای یاریزانى هێڵی ناوه‌ندى مانچسته‌ر سیتی داناوه‌.
 
رۆژنامه‌ى مۆندی دیپۆرتیڤۆی كه‌ته‌لۆنى، بڵاویكردوه‌ته‌وه‌: سیناریۆی یه‌كه‌مى به‌رشه‌لۆنه‌ بریتییه‌ له‌ راگه‌یاندنى گرێبه‌ست كردن له‌گه‌ڵ گارسیا، به‌ڵام له‌ هاوین دا بیگوازێته‌وه‌، ئه‌مه‌ش به‌ مه‌به‌ستى رێگرییكردن له‌ یانه‌كانى دیكه‌ بۆ رفاندنى یاریزانه‌ ئیسپانیه‌كه‌.
 
هه‌رچی سیناریۆی دوه‌میشه‌، بریتیه‌ له‌ گواستنه‌وه‌ى ئه‌و یاریزانه‌ له‌ ماوه‌ى گواستنه‌وه‌ى زستانه‌دا به‌ بژاردنى ئه‌و نرخه‌ى كه‌ یانه‌ ئینگلیزیه‌كه‌ داواى ده‌كه‌ت، ئه‌وه‌ش به‌ له‌به‌رچاوگرتنى ئه‌وه‌ى ته‌نها 6 مانگى له‌ گرێبه‌سته‌كه‌ى دا ماوه‌.
 
هۆكارى په‌نابردنى به‌رشه‌ بۆ سیناریۆی دوه‌م، هه‌مدیس به‌مه‌به‌ستى رێگرییكردنه‌ له‌ یانه‌ى دیكه‌ كه‌ بیانه‌وێت له‌م ماوه‌یه‌دا ئه‌و یاریزانه‌ بۆ لای خۆیان په‌لكێش بكه‌ن.
 
گارسیا كۆتایی وه‌رز گرێبه‌سته‌كه‌ى له‌گه‌ڵ یانه‌ ئینگیلیزییه‌كه‌ كۆتایی دێت و له‌ ده‌ستپێكى ساڵی 2021ـه‌وه‌ بۆی هه‌یه‌ له‌گه‌ڵ هه‌ر یانه‌یه‌كدا كه‌ خۆی ده‌یه‌وێت، گفتوگۆ بكات بۆ گواستنه‌وه‌ى.
 
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 846,914     ژمارەی میوان 24