بۆ قه‌ده‌غه‌كردنى ئاهه‌نگه‌كانى سه‌رى ساڵ فه‌ره‌نسا په‌نا بۆ پۆلیس ده‌بات

2020/12/31 - 12:58 | 416 جار بینراوە    
 
ده‌نگ نێت - بی بی سی
 
فه‌ره‌نسا به‌نیازه‌ به‌ پشت به‌ستن به‌ 100 هه‌زار پۆلیس، رێگریی بكات له‌ كۆبونه‌وه‌ و قه‌ره‌باڵه‌غی هاوڵاتیان بۆ ئه‌نجامدانى ئاهه‌نگ له‌ شه‌وى سه‌رى ساڵ دا.
 
حكومه‌تى فه‌ره‌نسی رایگه‌یاند له‌ چوارچێوه‌ى ئاماده‌كاریه‌كاندا بۆ شه‌وى سه‌رى ساڵ، به‌مه‌به‌ستى رێگریكردن له‌ ئه‌نجامدانى هه‌ر گردبونه‌وه‌ و قه‌ره‌باڵه‌غیه‌كى هاوڵاتیان، بڕیاریداوه‌ 100 هه‌زار پۆلیس بڵاوه‌ پێبكات له‌ ناوچه‌ جیاوازه‌كان دا.
 
رێگریه‌كانى حكومه‌ت به‌ ئامانجى به‌رگرتنه‌ به‌ بڵاوبونه‌وه‌ى زیاترى ڤایرۆسی كۆرۆنا كه‌ تائێستا له‌و وڵاته‌  2 ملیۆن و 600 هه‌زار حاڵه‌تى یه‌كلاكراوه‌ى ڤایرۆسه‌كه‌ تۆماركراوه‌، ئه‌مه‌ش پێنجه‌مین رێژه‌یه‌ له‌سه‌ر ئاستى جیهان، له‌گه‌ڵ زیاتر له‌ 64 هه‌زار گیان له‌ده‌ستدان هه‌ر به‌هۆی ڤایرۆسه‌كه‌وه‌.
 
هاوكات حكومه‌تى فه‌ره‌نسی بڕیاریداوه‌ كه‌ له‌كاتژمێر 8ى شه‌وه‌وه‌ قه‌ده‌غه‌ى هاتوچۆ رابگه‌یه‌نێت، ئه‌مه‌ش له‌چوارچێوه‌ى رێكاره‌كانى رێگرتن به‌ تێكه‌ڵبون و قه‌ره‌باڵه‌غی هاوڵاتیان.
 
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 847,032     ژمارەی میوان 52