دەنگ نێت
بۆماوه‌ى زیاتر له دوساڵه ژماره‌ى زه‌وی به‌شێوه‌ى هه‌وایی دراوه به‌كه‌سوكارى زیندانیانى سیاسى له كه‌لار، به‌ڵام تاوه‌كو ئێستا سودمه‌ند نه‌بون، سه‌رۆكى شاره‌وانى قه‌زاى كه‌لاریش ده‌ڵێت: زه‌وییه‌كان ئاماده‌یه سه‌رقاڵى جیاكردنه‌وه‌ى بلۆكه‌كانیان.
ئه‌كره‌م ساڵح، سه‌رۆكى شاره‌وانى كه‌لار، بۆ رادیۆى ده‌نگ باسى له‌وه‌كرد: له ئێستادا هه‌مو باخه‌كان كه به زیاده‌ره‌وى دروستكرابون لابراون و سه‌رقاڵى جیاكردنه‌وه‌ى بلۆكه‌كانین بۆ كۆڵانەکان.
ده‌شڵێت: هه‌ر كه‌س بیه‌وێت ئێستا ده‌توانێت له‌سه‌ر زه‌ویه‌كه‌ى خۆى خانو دروست بكات و نه‌خشه‌ش دابه‌زێنراوه‌ته سه‌ر زه‌ویه‌كه.
هێماى بۆ ئه‌وه‌شكرد: هه‌ركه‌سێك بیه‌وێت بزانێت زه‌ویه‌كه‌ى له كوێدایه، ئه‌وه ده‌توانێت سه‌ردانمان بكات زانیارى ته‌واوى پێده‌درێت.