دەنگ نێت
لەسنوری ئیدارەی گەرمیان بۆ ئەمساڵ زیاتر لە ٢ هەزار دۆنم زەوی بە مەرەزە چێنراوە، وتەبێژی کشتوکاڵی گەرمیانیش دەڵێت: رێژەی بەرهەمهێنانی برنجی ئەمساڵ زیاتردەبێت لە پارساڵ.
ستار عەلی، وتەبێژی بەڕێوبەرایەتی گشتی کشتوکاڵی گەرمیان، بە رادیۆی دەنگی وت: بۆ ئەمساڵ زیاتر لە ٢ هەزار دۆنم زەوی کراوە بە مەرەزە و پێشبینی دەکەین زیاتر لە ١٤٠٠ تۆن برنج بەرهەمبێت.
دەشڵێت: ئەمساڵ بەحوکمی ئەوەی رێژەی بارانبارین زیاتربو لە پارساڵ، پێشبینی دەکەین بەرهەمی برنج زیاتربێت.
بەوتەی ستار عەلی، لەسنورەکە ٢٠٠ تا ٣٠٠ جوتیار سەرقاڵی بەرهەمهێنانی برنجن و جۆری برنجەکەش 'نەگازە'یە.