لقی گەرمیانی کۆمەڵەی کرێنشینان: حکومەت پرۆژەی کەمدەرامەتان دروستناکات چونکە بەرژەوەندیی خۆی تێدانییە

2024/07/06 - 08:15 | 91 جار بینراوە    
 
دەنگ نێت
 
دوای ئەوەی پرۆژەی دروستکردنی یەکەی نیشتەجێبون بۆ کەمدرامەتان ساڵێکە بڕیاری لێدراوە و تائێستا دروستنەکراوە، سەرۆکی لقی گەرمیانی کۆمەڵەی کرێنشینان دەڵێت: حکومەت چونکە بەرژەوەندیی خۆی تێدا نییە نایکات.
 
لە هەواڵێکی پێشتردا رادیۆی دەنگ لەسەر زاری بەڕێوبەری گشتی وەبەرهێنانی گەرمیانەوە بڵاویکردەوە: هێشتا پرۆژەی دروستکردنی یەکەی نیشتەجێبون بۆ کەمدەرامەتان نەچوەتە بواری جێبەجێکردنەوە، ئەگەرچی زەوی بۆ تەرخانکراوە و وەبەرهێنەریش هاتوەتە پێشەوە.
 
لایخۆشییەوە و لەمبارەیەوە، سەرۆکی لقی گەرمیانی کۆمەڵەی داکۆکی لە مافی کرێنشینان، جەختی لەوەکردەوە کە پرۆژەکە هێشتا بڕیار لە دەستپێکردنی نەدراوە و تەنانەت ناشزانن کەی پەسەند دەکرێت.
 
سەیوان کەریم، بە رادیۆی دەنگیشی وت: هۆکاری وەرنەگرتنی مۆڵەتەکەی و دەستپێنەکردنی تائێستا، ئەوەیە حکومەت لەگەڵ ئەو پڕۆژانەدا نیە کە بەنرخی هەرزان دروستدەکرێت، چونکە بەرژەوەندی خۆی تێدانیە.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,900,676     ژمارەی میوان 2721