لەسەر کوشتنی هاوڵاتیەکەی ناحیەی شێخ تەویل ٣ کەس دەستگیرکراون

2024/06/11 - 01:25 | 136 جار بینراوە    
 
دەنگ نێت
 
دوای ئەوەی لە سەربەناحیەی شێخ تەویلـی سەر بە کەلار شەش برا لەسەر زەویوزار بو بە کێشەیان و بەوهۆیەوە یەکێکیان گیانی لەدەستدا و دوانیان برینداربون، وتەبێژی پۆلیسی گەرمیانیش دەڵێت: تاوەکو ئێستا سێ کەسی تر کە تۆمەتبارن لە روداوەکەدا، دەستگیرکراون.
 
ئێوارەی رۆژی ٥ـی ئەم مانگە، لەناحیەی شێخ تەویلـی سەر بە قەزای کەلار، ٦ برا لەسەر کێشەی زەویوزار بەشەڕهاتن، بەوهۆیەوە برایەک گیانی لەدەستدا و دوانی تریشیان برینداربون.
 
عەلی جەمال قەدوری، وتەبێژی بەرێوبەرایەتی پۆلیسی گەرمیان، بۆ رادیۆی دەنگ وتی: لەسەر ئەو روداوە ٥ کەس فەرمانی دەستگیرکردنیان بۆ دەرچوە، ٣ لەو کەسانەش دەستگیر کراون.
 
دەشڵێت: دۆسیەکە بە کراوەی ماوەتەوە و لێکۆڵینەوە تێیدا بەردەوامە.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,818,934     ژمارەی میوان 1909