لە گەرمیان موچە بە خانەنشینانی هێزە ئەمنییەکان نەدرا

2024/06/09 - 03:56 | 107 جار بینراوە    
 
دەنگ نێت
 
ئەگەرچی ئەمڕۆ دیارییکرابو بۆ پێدانی موچەی مانگی ٥ـی خانەنشینان، بەڵام خانەنشینانی هێزە ئەمنییەکان بێبەشکران لە وەرگرتنی موچە.
 
بەپێی زانیارییەکانی رادیۆی دەنگ، ئەمڕۆ کە بڕیاربو موچەی مانگی ٥ـی ٢٠٢٤ بە خانەنشینانی شارستانی بدرێت، بەڵام بانکەکانی سنوری گەرمیان موچەیان بەو خانەنشینانە نەداوە کە فەرمانبەری پۆلیس و ئاسایش و دەزگا ئەمنییەکان بون.
 
هەر بەپێی زانیارییەکان، پاساوی موچەنەدانەکەش بۆ ئەوەبوە کە لە بەغداوە فەرمانیان پێدراوە بۆ خەرج نەکردنی موچەکانیان.
 
هاوکات هەندێک خانەنشین کە موچەکەشیان پێدرابو، دواتر لێیان وەرگیراوەتەوە.
 
خانەنشینانی هێزە ئەمنییەکان لەنمونەی پۆلیس و هاتوچۆ و بەرگری شارستانی و ئاسایش، لە چوارچێوەی لیستی خانەنشینانی شارستانی موچە وەردەگرن و جیاوازن لە خانەنشینانی پێشمەرگە یان سەربازیی.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,818,772     ژمارەی میوان 1747