قایمقامی قەرەداغ: گیان لەدەستدانی ٤ شاخەوانەکە بەهۆی هەڵەی خۆیانەوە بوە

2024/05/03 - 06:30 | 407 جار بینراوە    
 
دەنگ نێت
 
لەبارەی گیان لەدەستدانی ٤ شاخەوانەوە لە سنوری قەزای قەرەداغ، قایمقامی قەزاکە دەڵێت: گیان لەدەستدانیان لەئەنجامی هەڵەی خۆیانەوە بوە. 
 
رەئوف کەمال، قایمقامی قەزای قەرەداغ بۆ رادیۆی دەنگ وتی: ئەمڕۆ تیمێکی شاخەوانی هاتونەتە سنوری قەزای قەرەداغ و بەدیارییکراوی لە ناحیەی سێوسێنان بۆ گوندی ئاوەسپی بێ ئاگاداری ئیدارەی سنورەکەمان کە ژمارەیان ۱۲ کەس بون.
 
وتیشی: ماوەی هەفتەیەکە کەشناسی هۆشیاری دەدات نەچنە ئەو شوێنانەی کە مەترسی هەیە، ٤ دانەیان چوەتە سەر بەردێک بۆ وێنەگرتن، کە لافاوەکە زیادی کردوە ئاو بردونی و خنکاون، تەرمەکانیشان دۆزراونەتەوە و رەوانەی پزیشکی دادوەریی کراون.  
 
 قایمقامی قەزای قەرەداغ باسی لەوەشکرد: گیانلەدەستدانیان لە ئەنجامی هەڵەی خۆیان بوە، ئەگەر ئیدارەی قەزاکەیان ئاگادار بکردایەتەوە رێنوینیمان دەکردن نەچنە هەندێک شوێن، چونکە قۆپیەکانی قەرەداغ شوێنی مەترسیداری تێدایە، چ لە روی بونی ئاژەڵی کێویەوە یان کە ئێستا بەهۆی خراپی دۆخی کەشوهەواوە نەگونجاون بۆ شاخەوانیی.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,762,633     ژمارەی میوان 832