حکومەت پارەی کارمەندانی کۆمپانیای پاککردنەوەی نەخۆشخانەکان خەرجناکات

2024/04/22 - 09:00 | 74 جار بینراوە    
 
دەنگ نێت
 
ماوه‌ى زیاتر له‌ مانگێكه‌ موچه‌ى كارمه‌ندانى خزمه‌تگوزارى خاوێنكردنه‌وه‌ى نه‌خۆشخانه‌كانى سنوری ته‌ندروستى گه‌رمیان خه‌رج نه‌كراوه‌، به‌ڕێوبه‌رى كۆمپانیاكه‌ش ده‌ڵێت: حكومه‌ت پاره‌ى بۆ خه‌رج نه‌كردوین.
 
عومه‌ر محه‌مه‌د، به‌ڕێوبه‌رى رێگه‌پێدراوی كۆمپانیاى 'خانه‌خوێ' بۆ خزمه‌تگوزاریی خاوێنكردنه‌وه‌ى نه‌خۆشخانه‌كانى سنوری به‌ڕێوبه‌رایه‌تى گشتى ته‌ندوستى گه‌رمیان بۆ رادیۆى ده‌نگ باسى له‌وه‌كرد: مانگێک و ٢٠ رۆژه‌ موچه‌ى كارمه‌نده‌كانمان نه‌داوه،‌ هاوكات مانگێکیش به‌ لێبڕینه‌وه‌ موچه‌مان داوه‌، ئه‌مه‌ش هؤكاره‌كه‌ى بۆ ئه‌وه‌ ده‌گه‌ڕێته‌وه‌ له‌ ١ـی ٨ـی ٢٠٢٣ـوە تاوه‌كو ئێستا حكومه‌ت ته‌نها ٥ موچه‌ى خه‌رج كردوه‌ ئه‌ویش به‌ پاشكه‌وتى ٣٠٪.
 
ده‌شڵێت: موچه‌ى ٧ مانگى كارمه‌نده‌كانمان به‌ بێ پاشه‌كەوت به‌ گوژمه‌ى ٤٠٠ ملیۆن دینار خه‌رج كردوه‌، له‌ كاتێكدا ئه‌و ٣٠٪ پاشكه‌وته‌ نازانین بۆ چیه‌ و ده‌ڵێن رێنمایی وه‌زاره‌تى داراییه‌ تاوه‌كو دۆخى حكومه‌ت باش ده‌بێت، له‌گه‌ڵ ئه‌وه‌شدا له‌ ٤٠٪ پاره‌ى خوادنیش پاشكه‌وت ده‌كرێت له‌ بانکه‌كاندا.
 
جه‌ختى له‌وه‌شكرده‌وه‌: تاوه‌كو ئێستا ١٤٠ ملیۆن دینارم پاشه‌كه‌وت كراوه‌.
 
وتیشى: ئه‌مه‌ جگه‌ له‌وه‌ى كه‌ بۆ خاوێنكردنه‌وه‌ى نه‌خۆشخانه‌كان پێداویستیمان پێویسته‌، ته‌نانه‌ت بۆ پاكراگرتنى باخچه‌كان هیچ بڕه‌ پاره‌یه‌كمان بۆ خه‌رج نه‌كراوه‌.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,762,519     ژمارەی میوان 728