ئەوانەی مۆڵەتی شۆفێری دەردەهێنن دەبێت پشکنینی مادەی هۆشبەر بکەن

2024/01/24 - 07:00 | 206 جار بینراوە    
 
دەنگ نێت
 
بەپێی بڕیارێکی ئەنجومەنی وەزیران، ئەنجامدانی پشکنینی مادەی هۆشبەر بۆ ٦ مامەڵە کراوە بە مەرج، لەنێوی دا دەرهێنانی مۆڵەتی شۆفێری.
 
بەپێی نوسراوی سەرۆکایەتی دیوانی ئەنجومەنی وەزیرانی هەرێم بە ژمارە (١٤٤١٢) کە لە (٧ـی ١١ـی ٢٠٢٣) دەرچوە، کردویەتی بە مەرج لە ئەنجامدانی ٦ مامەڵەدا، دەبێت کەسی مامەڵەکار هەڵبستێت بە ئەنجامدانی پشکنینی مادەی هۆشبەر.
 
بەپێی نوسراوەکە، مامەڵەکان بریتین لە: دەرهێنانی مۆڵەتی شۆفێریی، مۆڵەتی هەڵگرتنی چەک، داواکاریی بۆ وەرگیران لە کۆلێژەکانی پۆلیس و سەربازیی، داواکاری خوێندنی باڵا، ئەوانەی لە سەندیکا و یەکێتییەکان و رێکخراوەکانی کۆمەڵی مەدەنیدا کاردەکەن، ئەوانەی داواکاری دامەزراندن پێشکەش بە دامودەزگاکانی حکومەت دەکەن.
 
نوسراوەکە ئاراستەی سەرجەم وەزارەت و دەستە و فەرمانگە نەبەستراوەکان بە وەزارەتەوە کردوە و داوایشیکردوە ئەم پشکنینە بە هاوکاری وەزارەتی تەندروستی ئەنجام بدەن.
 
وەک لە نوسراوەکەدا ئاماژەی پێدراوە، هۆکاری دەرکردنی نوسراوەکە، "بەمەبەستی بنبڕکردنی بەکارهێنانی مادەی هۆشبەر"ـە.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,615,039     ژمارەی میوان 918