به‌هۆى نه‌بونى به‌شى چاودێرى چڕ له‌ كه‌لار نه‌خۆش رەوانە‌ى سلێمانى ده‌كرێت

2023/09/07 - 11:33 | 164 جار بینراوە    
 
دەنگ نێت
 
تاوه‌كو ئێستا چه‌ند نه‌خۆشێك به‌هۆى توشبونیان به‌ په‌تای سکچون و‌ كۆلێرا، له‌ گه‌رمیانه‌وه‌ رەوانە‌ى سلێمانى كراون، به‌رێوبه‌رى نه‌خۆشخانه‌ى گشتى كه‌لار/ قه‌ڵاش ده‌ڵێت: به‌هۆى ئه‌وه‌ى به‌شى چاودێرى چڕمان نیه‌ بۆیه‌ ئیحاله‌ كراون.
 
د. حارس محه‌مه‌د، به‌ڕێوبه‌رى نه‌خۆشخانه‌ى گشتى كه‌لار/ قه‌ڵا، له‌میانه‌ى به‌رنامه‌ى رۆژێكى ترى رادیۆى ده‌نگدا رایگه‌یاند: چه‌ند نه‌خۆشێكمان ئیحالەى سلێمانى كردوه‌ به‌هۆى ئه‌وه‌ى دۆخیان خراپ بوه‌ كه‌ توشبوى ئه‌و په‌تایه‌ بون، بۆ ئه‌وه‌ى مه‌ترسى نه‌كه‌وێته‌ سه‌ر ژیانیان.
 
وتیشى: هۆكاره‌كه‌ى ئه‌وه‌یه‌ به‌شى چاودێرى چڕمان نیه‌ له‌كه‌لار وه‌ك ئه‌وه‌ى له‌ نه‌خۆشخانه‌ى شار لە سلێمانی هه‌یه‌ و چه‌ند بێدێکی بۆ ته‌رخان كراوه‌.
 
هێماى بۆ ئه‌وه‌شكرد: هه‌ندێك به‌شى دیكه‌مان نییە له‌ نێو نه‌خۆشخانه‌، وه‌كو: به‌شى قه‌سته‌ره‌ و باڵۆن و به‌شى هه‌رس و جگه‌ر، ئه‌م به‌شانه‌ گرنگن بۆ گه‌رمیان، بۆیه‌ ئه‌گه‌ر بمانه‌وێت‌ %80ـى نه‌خۆش ئیحاله‌ى سلێمانى نه‌كرێت، ئه‌وا ده‌بێت ئه‌و به‌شانه‌ له‌ سنوره‌كه‌ بكرێنەوە.
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,818,686     ژمارەی میوان 1661