کشتوکاڵی گەرمیان: ئێمه‌ و جوتیاره‌كان ره‌زامه‌ند نه‌بین‌ ده‌ست له‌ باخەکانی گردەگۆزینە‌ نادرێت

2023/09/05 - 08:17 | 235 جار بینراوە    
 
دەنگ نێت
 
ژمارەیەک لە جوتیاران باس لەوەدەکەن کە باخه‌كانیان لە گرده‌گۆزینه‌ كه‌ به‌ر پرۆژه‌كه‌ى سەر روبارى سیروان ده‌كه‌ون، بڕیار وایه‌ لاببرێن، به‌ڕێوبه‌رى كشتوكاڵى گه‌رمیانیش ده‌ڵێت:‌ تاوه‌كو ئێمه‌ و جوتیاره‌كان ره‌زامه‌ند نه‌بین‌ ده‌ست له‌و باخانه‌ نادرێت.
 
ژمارەیەک جوتیاری سنوری گرده‌گۆزینەی کەلار‌ له‌ راپۆرتێکی رادیۆی ده‌نگ دا باسیان له‌وه‌کرد كه‌ باخه‌كانیان ده‌ڕوخێنرێت و ده‌كرێت به‌ یه‌كه‌ى نیشته‌جێبون.
 
له‌به‌رامبه‌ردا، شادیه‌ حسێن، به‌ڕێوبه‌رى گشتى كشتوكاڵى گه‌رمیان بۆ رادیۆى ده‌نگ وتى: باخه‌كان له‌ زۆنى یه‌كن و له‌ ئیداره‌ى گه‌رمیان كۆنوسمان كردوه‌ به‌به‌شداریی كۆمپانیا تاوه‌كو ئێمه‌ و جوتیاران ره‌زامه‌ند نه‌بین ده‌ستیان لێ‌ نادرێت، هاوكات له‌و ماسته‌رپلانه‌شى كه‌ هه‌یه‌ نابێت ئه‌و باخانه‌ ده‌ستكارى بكرێن.
 
وتیشى: تاوه‌كو ئێستا هیچ نوسراوێكمان بۆ كۆمپانیا نه‌كردوه‌ به‌مه‌به‌ستى ره‌زامه‌ندى دان.
 
جه‌ختى له‌وه‌شكرده‌وه‌: به‌و خەمڵاندنەی کراوە ئه‌و باخانه‌ له‌سه‌ر روبه‌رى 160 دۆنم زه‌وى دروست كراون و نزیكه‌ى 40 جوتیار کاری تێدادەکەن.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,818,691     ژمارەی میوان 1666