دوکانێکی مۆبیلیات پارەی ژمارەیەک هاوڵاتی کەلار دەبات

2023/09/04 - 12:08 | 1126 جار بینراوە    
 
دەنگ نێت
 
هاوڵاتییەک لە کەلار دەڵێت دوکانێکی مۆبیلیات پارەی من و سەروی ١٠٠ کەسی تری بردوە و ئێستا دوکانەکە داخراوە.
 
جوتیار تۆفیق، بە رادیۆی دەنگی وت: مۆبیلیاتێک لە کەلار بەناوی (پەیکار)، پارەی پێشەکی دروستکردنی کەرەستەی مۆبیلیاتی لە هاوڵاتیان وەرگرتوە، ئێستا ئۆفیسی نەماوە و ژمارە مۆبایلەکەشیان داخراوە.
 
رونیشیکردەوە؛ مۆبیلیاتەکە بە بڕی بە ٢ ملیۆن و ملیۆنێک دینار پێشەکی لە هاوڵاتیان وەرگرتوە تا ئەوکاتەی کەرەستەکەیان بۆ دروست دەکات و دوایی بڕە پارەکەی تریان لێوەردەگرێت، بەمشێوەیە نزیکەی ٢ ملیۆن دیناریان لە منیش وەرگرتوە.
 
وتیشی: لەئێستادا سکاڵام لەسەر مۆبیلیاتەکە تۆمارکردوە و تائێستاش زیاتر لە ١١٥ کەسی دیکە سکاڵایان تۆمارکردوە کە مۆبیلیاتەکە "قۆڵی بڕیون".



Dengnet.net - 2023
دروستکراوە لەلایەن کۆمپانیای (کۆدتێك)ەوە
ژمارەی سەردان 1,371,208     ژمارەی میوان 37