دەنگ نێت
له سنورى گه‌رمیان هاوڵاتیان بڕى زیاتر له ٣٥ ملیار دینار پاره‌ى كاره‌با قه‌رزارن، ئه‌مه‌ش به‌پێى نوسراوێكى به‌ڕێوبه‌رایه‌تى گشتى كاره‌بای گه‌رمیان.
به‌پێى خشتەیەکی به‌ڕێوبه‌رایه‌تى گشتى كاره‌باى گه‌رمیان کە دەست رادیۆی دەنگ کەوتوە، له سنورى گه‌رمیان ٦٩ هه‌زار و ١٢٧ هاوبه‌شى كاره‌باى ماڵان بونى هه‌یه.
ئاماژە بەوەشدراوە؛ بەکۆی گشتی ماڵانی بەشدار، بڕی ٣٥ ملیار و ٨٤٦ ملیۆن دینار قەرزارن، کەئەمەش کەڵەکەبونی چەندین ساڵە.
ئاماژە بەوەشدراوە؛ لە مانگی ئاب (٨)ـی ئەمساڵ، ماڵان بە بڕی زیاتر لە ٩٠٢ ملیۆن دینار کارەبایان بەکارهێناوە.