ده‌رباره‌   په‌یوه‌ندی
نوێنەری مانگرتوانی کفری باس لە دانانەوەی خێوەتی مانگرتن دەکات

2023/08/31 - 03:00 | 486 جار بینراوە    
 
دەنگ نێت
 
نوێنەری مانگرتوانی قەزای کفری، دەڵێت: ئارەزوی دانانەوەی خێمە دەکەینەوە، بەهۆکاری ئەوەی ئەو داواکاریانەی لەلای یەکێتیە، زۆر بەسستی جێبەجێ دەکرێت.
 
عوسمان قەتارچی، بە رادیۆی دەنگی راگەیاند: دانانی زانکۆی  پۆلیتەکنیک لەقەزاکەمان کارەکانی بەسستی بەڕێوە دەچێت و تاوەکو ئێستا بەس قوتعەکەیان هەڵواسیوە لە قەزاکەدا، جگە لەوە کەرتی تلیشان هەمو شتێکی تەواو بوە، بەڵام لە ئێستادا کێشەیەکی بۆ دروستکراوە لەلایەن سەرۆکی شارەوانی کفریەوە.
 
وتیشی: ئەو داواکاریانەی ئێمە لەنوێنەرانی بزوتنەوەی گۆڕانمان کرد لە حکومەتدا زۆر باش بەڕێوە دەچن، بەڵام ئەو داواکاریانەی داوامان کردبو لە یەکێتی نیشتیمانی، جێبەجێکردنی زۆر بەسستی بەڕێوە دەچێت.
 
باسی لەوەشکرد ئەگەر دۆخەکە بەمشێوەیە بڕوات، بژاردەی زۆریان لەبەردەستدایە، کەیەکێکیان دوبارە دانانانەوەی خێوەتی مانگرتنە.
 



Dengnet.net - 2025
دروستکراوە لەلایەن کۆمپانیای (کۆدتێك)ەوە
ژمارەی سەردان 2,941,057     ژمارەی میوان 34