جارێكى تر زانكۆى گه‌رمیان له‌لایه‌ن عێراقه‌وه‌ دانى پێدا نانرێت

2023/08/22 - 01:06 | 572 جار بینراوە    
 
 دەنگ نێت
 
دەستەیەک ئاشکرای دەکات وه‌زاره‌تى خوێندنى باڵاى عێراق ناوى زانكۆ حكومیه‌كانى هه‌رێمی كوردستانى بڵاوكردوه‌ته‌وه‌ له‌ رێبه‌ى وه‌رگرتنى خوێندكاراندا، كه‌چى ناوى زانكۆى گه‌رمیان لە رێبەرەکەدا نیه‌.
 
ده‌سته‌ى گه‌رمیان بۆ داكۆكى له‌ زانكۆ و په‌یمانگاكان، لە پەڕەی خۆیان له‌ فه‌یسبوك بڵاویكردوه‌ته‌وه‌: وه‌زاره‌تى خوێندنى باڵاى عێراق ناوى زانكۆ حكومیه‌كانى هه‌رێمی كوردستانى بڵاوكردوه‌ته‌وه‌ له‌ رێبه‌ى وه‌رگرتنى خوێندكاراندا له‌گه‌ڵ به‌شه‌كانى هه‌ر زانكۆیه‌كدا، كه‌چى ناوى زانكۆى گه‌رمیان و چه‌رموى تێدا نیه‌".
 
باسى له‌وه‌شكردوه‌: زانكۆى راپه‌ڕینیش تاوه‌كو 8ـى 3ـى 2024ـى له‌ به‌رده‌سته‌ بۆ ته‌واوكردنى رێكاره‌كانى دانپێدانانیدا.
 
زانكۆى گه‌رمیان له‌ ساڵى 2010 له‌ ئیداره‌ى گه‌رمیان دامه‌زراوه‌، به‌ڵام به‌هۆى ئه‌وه‌ى 3 كۆلێژى له‌ قه‌زاى خانه‌قینه‌، تاوه‌كو ئێستا له‌لایه‌ن وه‌زاره‌تى خوێندنى باڵاى عێراقه‌وه‌ به‌ فه‌رمى دان به‌ زانكۆكه‌دا نه‌نراوه‌، چونکە بەپێی یاساکانیان نابێت زانکۆیەک لە پارێزگایەک بێت و کۆلێژ و بەشی لە پارێزگای دیکە هەبێت.
 
لەمانگی حوزەیرانی ئەمساڵیشدا، د.فه‌رهاد قادر، سه‌رۆكى زانكۆى گه‌رمیان، به‌ رادیۆى ده‌نگى راگه‌یاندبو: مامەڵەی دانپیانانی زانکۆی گەرمیان لای وەزارەتی خوێندنی باڵای عێراو، لە دوا وێستگەی کارکردنی دایە، بەڵام وێستگەکە چەندی پێدەچێت نازانن، بەوپێیەی پرۆسەکە لای وەزارەتی خوێندنی باڵای عێراقییە.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,891,245     ژمارەی میوان 1094