کەریم عەلی: دۆسییەکانی مەرزی پەروێزخان بە بەڵگەوە لە دادگا دەخەمەڕو

2023/08/19 - 12:04 | 479 جار بینراوە    
 
دەنگ نێت
 
ئەندامێکی ئەنجومەنی پارێزگای سلێمانی وەڵامی وەزارەتی دارایی هەرێم دەداتەوە سەبارەت بە قسەکانی لەبارەت بەبونی کاری نایاسایی لە مەرزی پەروێزخان و دەڵێت: با سکاڵا تۆمار بکەن.
 
رۆژی پێنجشەمە وتەبێژی وەزارەتی دارایی و بەڕێوەبەرانی گومرکی گەرمیان و مەرزی پەروێزخان، لە کۆنگرەیەکی رۆژنامەوانی دا وەڵامی کەریم عەلی ئەندامی ئەنجومەنی پارێزگای سلێمانیان دایەوە کە قسەی لەبارەی ئەوەکردبو بەهۆی هاتنی شاندێکی عێراقەوە تانکەرەکان لە مەرزی پەروێزخان چۆڵ کرابو بۆ ئەوەی نەزانن نەوت بە قاچاخ دەچێت.
 
لە وەڵامی ئەو سێ بەرپرسەدا، کەریم عەلی راگەیەنراوێکی بڵاوکردوەتەوە و دەڵێت: "هیوادارم سکاڵا تۆمار بکەن، دڵنیابن بەندە کۆی بابەتاکان بەبەڵگەوە لە دادگا وەڵام دەدەینەوە و کۆی بەڵگەکانیش دەدەین بەدادگای نەزاهەی عێراق و دیوانی چاودێری دارایی حکومەتی عێراق و هەموو لایەنە پەیوەندیدارەکان". 
 
جەخت لەوەشدەکاتەوە بەدواداچونەکانی بۆ کارەکانی ئەو مەرزە و بونی "کاری نایاسایی" تیایدا بەردەوام دەبێت.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,818,805     ژمارەی میوان 1780