حکومەتی عێراق بیرێکی نەوت لە کفری لێدەدات

2023/08/18 - 12:21 | 782 جار بینراوە    
 
دەنگ نێت
 
بریکاری وەزارەی نەوتی عێراقی لێدانی بیرە نەوتێکی نوێ لە قەزای کفری رادەگەیەنێت، بەبێ ئاماژەدان بە وردەکاریی شوێنی بیرەکە.
 
باسم محەمەد، بریکاری وەزیری نەوت بۆ دەرهێنانی نەوت و گاز، لە راگەیەنراوێکدا ئاشکرای کردوە: وەزارەت کاربۆ بەهێزکردنی یەدەگی سامانی نەوت و گاز دەکات، بۆ ئەم مەبەستەش هەستاوە بە ئامادەکردنی پلانی روپێویی و لێدانی بیری نوێ.
 
دەشڵێت: لەم چوارچێوەیەشدا بەم نزیکانە دەستدەکات بە لێدانی بیرێکی نەوت لە قەزای کفری لە پارێزگای دیالە، لە پاڵ چەند بیرێکی تر لە پارێزگاکانی دیکەدا.
 
ئەمەو بەرپرسەکەی وەزارەتی نەوت وردەکاریی زیاتری لەسەر بیرەکە و شوێنەکەی نەخستوەتەڕو.
 
قەزای کفری ئەگەرچی سەر بە ئیدارەی گەرمیانە، بەڵام بەشێک لە روبەرەکانی قەزاکە لەژێر دەستی حکومەتی عێراق دایە و لەسەر پارێزگای دیالەن، بۆیە پێدەچێت بیرەکە لەو سنورانەدا بێت کە لەژێر دەستی حکومەتی عێراقی دان، بەوپێیەی وەزارەتی نەوتی عێراقی دەستی بەسەر ناوچەکانی ژێر دەسەڵاتی هەرێمدا ناشکێت و کێڵگە نەوتییەکانی دیکەی قەزاکە لەلایەن حکومەتی هەرێمەوە سەرپەرشتی دەکرێن.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,818,669     ژمارەی میوان 1644