بەڕێوبەری پۆلیسی گەرمیان دەگۆڕێت

2023/08/17 - 04:55 | 1142 جار بینراوە    
 
دەنگ نێت
 
بە فەرمانێکی وەزارەتی ناوخۆ، بەڕێوبەری ئێستای پۆلیسی گەرمیان دەگۆڕێت و بەڕێوبەی بەشی پۆلیسی قەزا و ناحییەکانی گەرمیان شوێنی دەگرێتەوە.
 
ئەو فەرمانە کە ٦ـی ئەم مانگە بە واژوی وەزیری ناوخۆ دەرچوە، تیایدا ئاماژە بە بەخشینی عەمیدی پۆلیس: محەمەد فایەق عەزیز (محەمەدی حاجی فایەق) لە پۆستی بەڕێوبەری بەڕێوبەرایەتی پۆلیسی گەرمیان و گواستنەوەی بۆ بەڕێوبەرایەتی پۆلیسی پارێزگای سلێمانی دەکات.
 
هەروەک ئەوەشی تێداخراوەتەڕو کە عەمید: لوقمان سابر شکور، لە جێگەکەی دا وەکو بەڕێوبەری بەڕێوبەرایەتی پۆلیسی گەرمیان دەستبەکار دەبێت.
 
ئەمەو تائێستا وادەی ئاڵوگۆڕی پۆستەکە رانەگەیەنراوە.
 
عەمید: لوقمان سابر، پێشتر بەڕێوبەری پۆلیسی کەلار بوە و لە ئێستاشدا بەرپرسی بەشی پۆلیسی قەزا و ناحییەکانی بەڕێوبەرایەتی پۆلیسی گەرمیانە.
 
عەمید: محەمەد حاجی فایەق، نزیکەی ١٣ ساڵە بەڕێوبەری پۆلیسی گەرمیانە، هاوکات ئەندامی ئەنجومەنی سەرکردایەتی یەکێتی نیشتمانییە.
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,818,672     ژمارەی میوان 1647