دەشتی کەڵهوڕیی سرودی نیشتمان دەچڕێت

2023/05/16 - 08:03 | 690 جار بینراوە    
 
دەنگ نێت
 
هونەرمەند دەشتی کەڵهوڕیی، نوێترین کلیپی خۆی بڵاوکردەوە کە گۆرانیەکە بەناوی (سرودی نیشتمان).
 
لە لێدوانێکدا بۆ رادیۆی دەنگ، هونەرمەند: دەشتی کەڵهوڕیی، وتی: بەرهەمەکەم کە ناوی 'سرودی نیشتیمان'ـە، تێکستەکەی لەلایەن سەید نوح عینایەتی نوسراوە و ئاوازی خۆمە، بە هاوکاری ژمارەیەک ژەنیاری بەتوانا بەرهەمهاتوە.
 
وتیشی: ئەمە دوەم کاری منە کە بەتایبەت بۆ کوردستان وتومە، جگە لەو کارانەی بۆ هەڵەبجە و ئەنفال و کۆبانی پێشتر بڵاوم کردونەتەوە.
 
دەشتی کەڵهوڕیی، ماوەی ۱۰ ساڵە سەرقاڵی کاری هونەرییە و خاوەنی ٢٤ بەرهەمی گۆرانییە کە ١٦ دانەیان کلیپی بۆ سازداون.
 
ئەو لەشاری کەرکوک لەدایک بوە و لە قەزای کەلار ژیانی بردوەتەسەر، ئێستاش لە دەرەوەی وڵات دەژێت.
 
بۆ بینینی کلیپەکە کلیک بکە
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,900,628     ژمارەی میوان 2774