دەنگ نێت
بۆ ماوەی ٧ مانگی دیکە سزای زیندانی یەکێک لە دەستگیر کراوانی بادینان درێژکراوەتەوە، پارێزەری دۆسیەکە دەڵێت: ئەوە دەبو غەرامە بکرێت نەک سزا بدرێت.
بەوتەی پارێزەری دەستگیرکراوانی بادینان، بڕیاربو سبەی (١٦ـی ئادار)، ٤ دەستگیرکراوی بادینان ئازاد بکرێن کە ئەوانیش: (ئەیاز کەرەم، گوهدار زێباری، هاریوان عیسا و شڤان سەعید)بون.
بەشدار حەسەن، سەرۆکی تیمی پارێزەرانی دەستگیرکراوانی بادینان، بە رادیۆی دەنگی وت: بۆ ماوەی ٧ مانگی دیکە دادگا سزای زیندانی بۆ گوهدار زێباری دراوە.
وتیشی: ئەویش بەهۆی ئەوەی لەکاتی دەستگیرکردنیاندا لۆگۆی سەیارەکەی گۆڕیوە کە ئەویش سزای غەرامەی هەیە، نەک زیندانی کردن، کەچی بە ٧ مانگی تری زیندانی حوکمدراوە.
لەبارەی ٣ دەستگیرکراوەکەی دیکەشەوە، وتی: سبەینێ ئەو ٣ کەسەی دیکە ئازاد دەکرێن.