خۆڵ و خاشاکی گەرمیان بە دانەپۆشراویی جێدەهێڵرێت

2023/01/24 - 05:42 | 261 جار بینراوە    
 
دەنگ نێت
 
بەپێی چەند وێنەیەک کە بۆ رادیۆی دەنگ نێردراوە، خۆڵ و خاشاکی کەلار کە کۆدەکرێتەوە، لەسەر خاک جێدەهێڵرێت و ناخرێتە ژێر خۆڵ، بەڕێوبەری شارەوانیەکانی گەرمیانیش دەڵێت رۆژانە ژێر خاک دەخرێن، بەڵام رەنگە کۆمپانیای کۆکەرەوەی خۆڵ و خاشاک وەکپێویست فریا نەکەوێت.
 
ژمارەیەک وێنە کە بۆ رادیۆی دەنگ نێردراوە، تیایاندا دەردەکەوێت ئەو پاشماوانەی کەلار لە خۆڵ و خاشاک کە کۆدەکرێتەوە، لەشوێنی فڕێدانی کە دەکەوێتە پشت باخەکانی دوای ناوچەی پیشەسازی، دانەپۆشراون و سەرئاواڵا جێهێڵراون، ئەمەش لەکاتێکدایە کە دەبێت بخرێنە ژێر خاک.
 
لەبارەی ئەم حاڵەتەوە، بەرزان کەریم، بەڕێوبەری گشتی شارەوانیەکانی گەرمیان، بۆ رادیۆی دەنگ وتی: ئەو خاشاکانە ژێرخاک دەخرێن، یەکەمجار لەسەروە دائەکرێن و دواتر چاڵێکی قوڵیان بۆ دەکرێت و دائەپۆشرێن و دەخرێنە ژێر خاک.
 
وتیشی: کۆمپانیای پاککردنەوە وەکپێویست ناتوانن ئیشەکان جێبەجێ بکەن، چونکە لەسەرەتای ساڵی2021ـەوە تاوەکو ئێستا دینارێکی لەحکومەت وەرنەگرتوە بەهۆی قەیرانی پارە و نەختینەوە.
 
باسی لەوەشکرد: ئەمە چاوپۆشی نیە لەکۆمپانیا، بەڵکو کۆمپانیا "لەڕێی خوا ئیش بۆ ئێمە ئەکات".



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,437     ژمارەی میوان 582