دەنگ نێت
دادگای پێداچونەوەی ھەرێم سزای زیندانیکردنی محەمەد مەلا حەسەنی قایمقامی پێشوی خانەقینی ھەڵوەشاندەوە.
بەپێی وێنەیەک لە بڕیاری ژمارە ٢٨٢ی دادگای پێداچونەوەی 'تمیز' ھەرێمی کوردستان لە رێکەوتی ٢١/٢/٢٠٢١، بڕیاریداوە بە ھەڵوەشاندنەوەی سزای زیندانیکردنی قایمقامی پێشوی خانەقین.
محەمەد مەلا حەسەن، قایمقامی پێشوی خانەقین، تۆمەتبار کرابو بە زیانگەیاندن بە داھاتی گشتی بەتایبەت لە دۆسیەی گەراجێکی ناو قەزاکە، ھەربۆیە لەلایەن دادگای تاوانەکانی کەرکوک/ گەرمیانەوە بە ٢ ساڵ زیندانییکردن بەپێی مادەی ٢٣٥ لە یاسای سزادانی عێراقی سزا درابو.
پاش تانەدان لە بڕیاری سزادانەکە، دادگای پێداچونەوە بە قازانجی تۆمەتبار محەمەد مەلا حەسەن بڕیاری دەرکرد و باسی لەوەکردوە کە بەڵگەکان تێوەگلانی ئەو لە بەکارھێنان و بەھەدەردانی سامانی گشتی ناگەیەنن.
ئاماژەی بەوەشکردوە کە دەبێت دەستبەجێ ناوبراو ئازاد بکرێت.