ده‌نگ نێت
پاش ئه‌وه‌ى پێنج چالاكوان و رۆژنامه‌نوسى سنورى بادینان له لایه‌ن دادگاى هه‌ولێره‌وه سزادران به زیندانى كردن، فهرمانى گرتن بۆ چه‌ند چالاكوانێكى دیكه‌ش ده‌ركراوه.
ئه‌یهان سه‌عید، چالاكوان و برای یه‌كێك له سزادراوانى بادینان به رادیۆى ده‌نگى راگه‌یاند: فهرمانى گرتن بۆ ژماره‌یه‌ك چالاكوانى دیكه‌ى بادینان ده‌ركراوه.
له‌باره‌ى هۆكارى ده‌ركردنى فهرمانى ده‌ستگیركردن بۆیان، ئاماژه‌ى به‌وه‌كرد: له‌سه‌ر ئه‌و لێدوان و چالاكیانه‌یه كه له ماوه‌ى رابردودا ئه‌نجامیان داوه.
وتیشى: پێشتر ژماره‌یه‌كى دیكه‌ى چالاكوان و هاوڵاتى سنورى بادینان ده‌ستگیر كراون و دواتر به‌ڵێننامه‌یان پێ پڕكراوه‌ته‌وه و ئازادكراون.