به‌رێوبه‌رى ته‌ندروستى گه‌رمیان له‌باره‌ى كۆرۆنا گۆڕاوه‌كه‌ رونكردنه‌وه‌ ده‌دات

2021/02/21 - 06:19 | 758 جار بینراوە    
 
ده‌نگ نێت
 
له‌باره‌ى تۆماركردنى توشبو به‌ كۆرۆناى گۆڕاو له‌ گه‌رمیان، به‌رێوبه‌رى ته‌ندروستى گه‌رمیان ئه‌و ده‌نگۆیانه‌ ره‌تده‌كاته‌وه‌ و ده‌لێت: پشكنینى جۆره‌ نوێیه‌كه‌ى كۆرۆنا له‌ گه‌رمیان نیه‌.
 
ماوه‌ى دو رۆژه‌ ده‌نگۆى ئه‌وه‌ بڵاوكراوه‌ته‌وه‌ كه‌ ژماره‌یه‌ك توشبو گومانیان له‌سه‌ر به‌وه‌ى به‌  جۆره‌ گۆڕاوه‌كه‌ى كۆرۆنا توشبوبن له‌ گه‌رمیان، به‌ڵام به‌رێوبه‌رى ته‌ندروستى گه‌رمیان ئه‌وه‌ ره‌تده‌كاته‌وه‌.
 
د.سیروان محه‌مه‌د، به‌رێوبه‌رى گشتى ته‌ندروستى گه‌رمیان به‌ رادیۆى ده‌نگى راگه‌یاند: تائێستا ئه‌و پشكنینه‌ له‌ سنورى گه‌رمیان نیه‌ كه‌  بۆ جۆره‌ نوێیه‌كه‌ى كۆرۆنا به‌كاردێت.
 
ئه‌وه‌شى خسته‌رو: پشكنینه‌كه‌ به‌ هه‌مان ئامێر ده‌كرێت، به‌ڵام ئه‌و "كیت"ه‌ى بۆ پشكنینه‌كه‌ به‌كاردێت جیاوازه‌ و تا ئیستا له‌ گه‌رمیان ئه‌و "كیت"ه‌مان نیه‌.
 
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,816     ژمارەی میوان 579