دەنگ نێت
نرخی هێلکە لە بازاڕەکاندا بەرزبوەتەوە، فرۆشیارێک دەڵێت: لە بری ئێران ئێستا لە تورکیاوە هێلکەمان بۆ دێت و هەر کارتۆنێک ١٢ هەزار دینار نرخەکەی گرانبوە، چاودێری بازرگانی گەرمیانیش دەڵێت: بەرهەمی هێلکەی ناوخۆیی پێویستی بازاڕ پڕ ناکاتەوە.
هەرێم محەمەد، فرۆشیار لە قەزای کەلار، لە بۆ رادیۆی دەنگ وتی: نرخی سەرجەم کەلوپەلەکان بەرزبوەتەوە، بەڵام هێلکە زیاتر، چونکە پێشتر لە ئێرانەوە بۆمان دەهات، بەڵام ئێستا بۆمان هەناردە ناکرێت و ئەوەی تورکیا دەکڕین.
وەکخۆی دەڵێت: پێشوتر نرخی یەک کارتۆن هێلکە ٦٠ هەزار دینار بو، ئێستا ٧٢-٧٣ هەزار دینارە.
لایخۆشییەوە بەڕێوبەری چاودێریی بازرگانی گەرمیان هۆکارەکەی گەڕاندەوە بۆ چەند هۆکارێک، لەنێویاندا ناجێگیری و بەرزبونەوەی بەهای دۆلار.
حیکمەت ئەحمەد، بۆ رادیۆی دەنگ وتیشی: هاوکات ئەو هێلکەیەی لە ناوخۆ بەرهەمدێت، پێویستی بازاڕ پڕ ناکاتەوە.
ئاماژەی بەوەشکرد بەهۆی ئەو گرفتە ئابوریانەی لە ناوخۆی وڵاتەکەدا هەن، ئێران هەناردەی سنوردار و کەمکردوەتەوە، لەنێویشیان دا هێلکە، ئەمەش هۆکارە بۆ بەرزبونەوەی نرخەکەی.