ته‌ندروستى گه‌رمیان: له‌ چه‌ند هه‌فته‌ى داهاتودا كاركردنى هه‌ندێك به‌ش راده‌گیرێت

2023/01/10 - 04:11 | 343 جار بینراوە    
 
ده‌نگ نێت
 
گرفتی كه‌می ده‌رمان و پێداویستی پزیشكی له‌نه‌خۆشخانه‌كانی گه‌رمیان هه‌یه‌ و به‌رێوبه‌ری گشی ته‌ندروستی گه‌رمیانیش ده‌ڵێت: هەندێک بەشمان دەرمانی زۆر کەم بوەتەوە و لەچەند هەفتەی داهاتوەوە له‌كاركردن دەوەستێت. 
 
د.سیروان محه‌مه‌د، به‌رێوبه‌ری گشتی ته‌ندروستی گه‌رمیان، بۆ رادیۆی ده‌نگ وتی: ئێمە چەند مانگێکە هۆشداریمان داوە، کۆمەڵێک لیستمان ناردوە بۆ وەزارەت كه‌ هەڵسەنگاندنی دۆخەکەیە، پێمان وتون لەمانگی دوازدە هەندێک ده‌رمان و پێداویستی ئەبڕێت، لەمانگی یەکدا ده‌رمان و پێداویستیه‌كانی تر ده‌بڕێت، ئێستا لەناو ئەو دۆخەداین. 
 
وتیشی: ئەو بودجەیەی هەبو تائێستا نەدراوە بە کۆمپانیاکان، توشی کێشە بوین هەندێک بەشمان وەستاوە و هەندێک بەشمان دەرمانی زۆر کەم بوەتەوە و لەچەند هەفتەی داهاتوەوە دەوەستێت.
 
باسی له‌وه‌ش كرد: وەزارەتی تەندروستی هەمو ئەو نوسراوانەی ئێمە کردومانە، ئاراستەی ئەنجومەنی وەزیرانی کردوە، کێشەی ئێمە نەبونی نەختینەیە لەبانکدا، ئەوەی هەیە لەکێشەی دەرمان نەبونی نەختینەیە لە بانکەکانی گەرمیان.
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,687,895     ژمارەی میوان 528