وته‌بێژی مه‌ڵبه‌ندى گه‌رمیانی یه‌كێتى: گۆڕانکاری له‌ پۆسته‌ حكومییه‌كان دا دەکرێت

2022/12/26 - 12:36 | 476 جار بینراوە    
 
دەنگ نێت
 
سەرباری پێکهێنانی لێژنەیەک له‌ ماوه‌كانی پێشودا بۆ گۆڕانکاری لە پۆستی بەرێوبەرە حكومیه‌كانى یەکێتی لە سنوری گەرمیان، وتەبێژی مەڵبەندی 11ـى رێکخستنی گەرمیانی ئەو حزبە دەڵێت: ‌گۆڕانکاریی دەکرێت، بەڵام نازانرێت کەی.
 
یه‌كێتى نیشتمانى بڕیارداوه‌ گۆڕانكاری له‌ به‌ڕێوبه‌رانى پۆسته‌ حكومیه‌كانى دا بكات، بۆ ئه‌م مه‌به‌سته‌ش لە ماوه‌كانی پێشودا لیژنەیەکی تایبەت بەو پرسه‌ سەردانی گەرمیانی کرد و کۆبونەوەی لەگەڵ به‌ڕێوبه‌ره‌كانى سنوره‌كه‌ ئه‌نجام دا.
 
لەبارەی دواین هەنگاوەکانی ئەو گۆڕانکارییانە، ئه‌كره‌م ساڵح، وته‌بێژی مه‌ڵبه‌ندى 11ـى رێكخستنى گه‌رمیانى یه‌كێتى نیشتمانى، بە رادیۆی دەنگی وت: گۆڕانكاری ده‌كرێت، به‌ڵام كه‌ی گۆڕانكاری ده‌كرێت و كوێ ده‌گۆڕدرێت، ئه‌مه‌ نازانم.
 
وتیشی: هێشتا هیچ بڕیارێکی فەرمیمان لەسەر  گۆڕانکاریەکان پێنەگەیشتوە، هەركاتێكیش ده‌ست به‌ گۆڕانكارییه‌كان كرا، یه‌كێتی كادری باشی هه‌یه‌.
 
بریاردانی گۆرانكاری له‌ نێو یه‌كێتی نیشتیمانی كوردستان له‌ كاتێكدایه‌ تاکو ئێستاش بە ژمارە دیارینەکراوە کە چەند بەرێوبەرایەتی کە له‌ پشکی ئەو حزبەیە، گۆڕانکاریی تێدا دەکرێت.
 
لە سنوری ئیدارەی گەرمیان دا، لەکۆی نزیکەی ٧٥ پۆستی فەرمی، جگە لە (١٣) دانەیان کەلەلای بزوتنەوەی گۆڕان و یەکگرتوی ئیسلامی و کۆمەڵی دادگەرییە، ئەوانی دیکەی لەلای یەکێتی نیشتمانییە.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,841     ژمارەی میوان 562