کردنەوەی تونێلی دەربەندیخان کەوتە ناوەڕاستی مانگ

2022/12/04 - 06:13 | 699 جار بینراوە    
 
دەنگ نێت
 
ئەندازیاری سەرپەرشتیاری نۆژەنکردنەوەی تونێلی ده‌ربه‌ندیخان ده‌ڵێت: هەمو بڕگەکانی نۆژەنکردنەوەی تونێلەکە لەکۆتایی دایە و له‌ ناوەڕاستی مانگى ۱۲ به‌ڕوى شۆفێراندا دەکرێتەوە.
 
‌ئەحمەد عومەر، بۆ رادیۆى ده‌نگ وتى: تونێلى ده‌ربه‌ندیخان سەروی سەدا ۹۰ـی كارى نۆژه‌نكردنه‌وه‌ى ته‌واو بوه‌، ئەگەر هیچ گرفتێک رونەدات و کەشوهەوا رێگەمان پێبدات بەرنامەمان داناوە لەناوەڕاستی ئەم مانگە بکرێتەوە.
 
وتیشی: بەشێکی زۆری بڕگەکان کۆتاییان هاتوە و بەشێکیشیان لەقۆناغی کۆتایی دان، تەنها قیری ماوە ئەویش بەدو رۆژ تەواو دەکەین.
 
تۆنێلى ده‌ربه‌ندیخان نزیکەی دو مانگە داخراوە بەوهۆیەی له‌لایه‌ن وه‌زاره‌تى ئاوه‌دانكردنه‌وه‌وە كارى نۆژه‌نكردنه‌وه‌ی تێیدا ده‌کرێت و‌ گوژمه‌ى نۆژه‌نكردنه‌وه‌کە‌ ١٨٠ ملیۆن دینارە.
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,900,574     ژمارەی میوان 2827