دواى هه‌فته‌یه‌ك له‌لادانى بازگه‌یه‌ك راوی ئاژه‌ڵی كێوى له‌ناوچه‌یه‌كى گه‌رمیان ده‌ستیپێكرده‌وه‌

2022/12/02 - 03:16 | 108 جار بینراوە    
 
دەنگ نێت
 
دواى كه‌متر له‌ هه‌فته‌یه‌ك له‌ لادانى بازگه‌یه‌كى پۆلیسی دارستان، حاڵه‌ته‌كانى راوكردن له‌ سنورى سه‌رته‌كى به‌مۆ سه‌رهه‌ڵده‌داته‌وه‌.
 
به‌وته‌ى چه‌ند شایه‌تحاڵێك، دوێنێ و پێرێ له‌ سنورى سه‌رته‌كى به‌مۆ و ده‌روبه‌رى، ده‌نگى ته‌قه‌ى راوچى بیستراوه‌ كه‌ ویستویانه‌ راوی ئاژه‌ڵی كێوی بكه‌ن، ئه‌مه‌ش دواى ئه‌وه‌ى هه‌فته‌ى رابردو بازگه‌یه‌كى كاتى كه‌ له‌ ته‌نگه‌كه‌ى سه‌رته‌ك دانرابون، هه‌ڵگیرا.
 
به‌وته‌ى سه‌رچاوه‌یه‌ك له‌ پۆلیسی دارستانى گه‌رمیان، هۆكارى لادانى بازگه‌كه‌ بۆ ئه‌وه‌ ده‌گه‌ڕێته‌وه‌ كاته‌كه‌یان ته‌واو بوه‌ و ته‌نها بازگه‌یه‌كى كاتى بوه‌ به‌هۆى ئه‌وه‌ى كاتى كه‌ڵه‌ هه‌رز بوه‌، له‌ ئێستادا ئه‌و پۆلیسانه‌ گه‌ڕێنراونه‌ته‌وه‌ بۆ به‌ڕێوبه‌رایه‌تى پۆلیسى دارستان و ژینگه‌ى گه‌رمیان.
 
پێشتریش رادیۆی ده‌نگ ئه‌وه‌ى بڵاوكرده‌وه‌ لادانى بازگه‌كه‌ مه‌ترسی زیادكردنى راوی ئاژه‌ڵی كێوی له‌و سنوره‌دا زیاد ده‌كات.



Dengnet.net - 2023
دروستکراوە لەلایەن کۆمپانیای (کۆدتێك)ەوە
ژمارەی سەردان 993,618     ژمارەی میوان 14