كشتوكاڵی گه‌رمیان: ئه‌و پشكنینه‌ى له‌ مه‌رزه‌كان بۆ سه‌وزه‌ و میوه‌ ده‌كرێت جیایه‌ له‌وه‌ى عه‌لوه‌كا

2022/11/25 - 10:38 | 82 جار بینراوە    
 
ده‌نگ نێت
 
دواى ناڕه‌زایه‌تى جوتیاران و بازرگانان له‌ دوباره‌ پشكنینی به‌رهه‌مه‌كانیان له‌ عه‌لوه‌ى كه‌لار و لێسه‌ندنى بڕێك پاره‌، به‌ڕێوبه‌رى گشتى كشتوكاڵی گه‌رمیان ده‌ڵێت: پشكنینی سه‌وزه‌ و میوه‌ له‌ مه‌رزه‌كان فیزیاییه‌ و له‌ عه‌لوه‌كان كیمیایی، داواشمان له‌ وه‌زاره‌ت كردوه‌ ئه‌و كاره‌ رێكبخرێت.
 
له‌ چه‌ند رۆژى رابردودا ژماره‌یه‌ك له‌ جوتیار و بازرگانەکانی سنوری گەرمیان لە بارەی پشکنین بۆ بەرهەمەکانی سه‌وزه‌ و میوه‌ له‌ عه‌لوه‌ى كه‌لار ناڕەزایەتیان دەربڕی، ئه‌وان ده‌ڵێن: كۆمپانیایه‌ك دانراوه‌ له‌ناو عه‌لوه‌ و پاره‌یان لێوه‌رده‌گرێت بۆ پشكنین، له‌كاتێكدا به‌رهه‌مه‌كان له‌ مه‌رزیش پشكنینیان بۆ ده‌كرێت. وه‌كو ناڕه‌زایه‌تى ده‌ربڕینیش هه‌ستان به‌ فڕێدانى به‌شێك له‌ به‌رهه‌مه‌كانیان بۆ سه‌ر جاده‌.
 
له‌باره‌ى ئه‌م كێشه‌یه‌وه‌، بەڕێوبەری گشتى کشتوکاڵی گەرمیان، شادیە حسێن، بە رادیۆی دەنگی وت: ئه‌و کۆمپانیایه‌ى له‌ عه‌لوه‌ى كه‌لار ده‌ستبه‌كار بوه‌، گرێبەستی لەگەڵ وەزارەتی کشتوکاڵ هەیە، ئەو پشکنینەی لە عەلوە دەکرێت کیمیاییه‌، ئەوەشی لەسەر دەروازەی پەروێزخان هەیە پشکنینی فیزیاییه‌.
 
دەشڵێت: دوامان کردوە رێكخستنەوە بۆ ئەو بابەتە بکرێت، به‌شێوه‌یه‌ك کۆمپانیای سەر سنور هەردو پشکنینیەکە ئه‌نجام بدات.
 
هاوکات باسی لەوەشکرد، کۆمپانیاکەى عه‌لوه‌ى كه‌لار، رێژه‌ى 80%ـى داهاته‌كه‌ى بۆ خۆیانه‌ و 20%ـى دیكه‌ى به‌ حكومه‌ت ده‌ده‌نه‌وه‌.
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 924,682     ژمارەی میوان 30