شارەوانی کەلار لەبارەی قەرەبوی ماڵەکانی 'لیوا رەشەکە'ًرونکردنەوە دەدات

2022/11/16 - 05:41 | 294 جار بینراوە    
 
دەنگ نێت
 
دواى ئه‌وه‌ى وەزارەتی شارەوانی هه‌رێم رایگه‌یاند سەرۆکایەتی حکومەت بڕیاری داوە بە تەرخانكردنی 163 پارچە زەوی (200م2) لە سنووری شارەوانی كەلار بۆ ماڵەكانی هەردو بینای لیوا رەشەكە و جەمەلۆنەكە لە قه‌زاكه‌دا، سه‌رۆكى شاره‌وانى كه‌لاریش ده‌ڵێت: به‌شێكى زۆرى رێكاره‌كان ته‌واو بون و لیژنه‌ پێكهێنراوه‌ بۆ تیروپشکی ‌ناوه‌كان.
 
ئه‌كره‌م ساڵح، سه‌رۆكى شاره‌وانى كه‌لار، له‌مباره‌یه‌وه‌ بۆ رادیۆى ده‌نگ وتى: له‌نێو ئه‌و زه‌ویانه‌ى كه‌ بۆ كەسوكارى زیندانیانى سیاسى ته‌رخان كراوه‌، ماڵه‌كانى هه‌ردو بیناى لیوا ره‌شه‌كه‌ و جه‌مه‌لۆكه‌نه‌ كه‌ ژماره‌یان 163 خانوه‌ زه‌ویان بۆ ته‌رخان كراوه‌ له‌ سنوره‌دا.
 
وتیشى: له‌ ئێستادا زۆربه‌ى رێكاره‌كانى ته‌واو بوه‌ و لیژنه‌ش پێكهێنراوه‌ بۆ راكێشانى ناوه‌كان.
 
جه‌ختى له‌وه‌شكرده‌وه‌: ئه‌و قه‌ره‌بوه‌ى كه‌ ده‌كرێته‌وه‌ حسابى خانو كراوه‌ نه‌ك ماڵ، چونكه‌ به‌شێك له‌ هاوڵاتیان باس له‌وه‌ ده‌كه‌ن كه‌ ماڵى واهه‌یه‌ 3 خێزانن 3 پارچه‌ زه‌ویان پێنادرێت ته‌نها 1 پارجه‌ زه‌ویان پێده‌درێت، له‌به‌ر ئه‌وه‌ى یه‌ك خانوه‌.



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 924,672     ژمارەی میوان 37