کۆلێجی تەکنیکی کەلار زانیاری لەسەر راگرتنی دەوام دەخاتەڕو

2022/11/15 - 05:18 | 105 جار بینراوە    
 
دەنگ نێت
 
پاش راگرتنی دەوامی خوێندن لە زانکۆی گەرمیان، خۆپیشاندان بۆ رۆژی چوارەم لەسەریەک لە کۆلێجی تەکنیکی کەلار درێژەی هەبو، راگری کۆلێجیەکەش دەڵێت: بڕیاری راگرتنی دەوام نەدراوە.
 
بەهۆی درێژەدانی فێرخوازان بەناڕەزایەتیەکانیان، زانکۆکانی: سلێمانی، گەرمیان و ڕاپەڕین، دوامی فەرمییان بۆ ماوەی ٣ رۆژ راگرتوە، ئەمڕۆش بۆ رۆژی چوارەم لەسەریەک فێرخوازانی کۆلێجی تەکنیکی کەلار خۆپێشاندانیان ئەنجامدا و نەگەڕانەوە بۆ خوێندن.
 
د.چیا حەسەن، راگری کۆلێجی تەکنیکی کەلار، بە رادیۆی دەنگی وت: هیچ بڕیارێکمان پێنەگەیشتوە لەبارەی راگرتنی دەوامەوە.
 
وتیشی: ئێمە پابەندین بە بڕیاری ئەنجومەنی زانکۆوە و تاوەکو ئێستاش ئەنجومەنەکە بڕیاری راگرتنی دەوامی نەداوە.
 
خۆپێشاندانی فێرخوازی زانکۆکان لە دو داواکاری سەرەکی پێکدێت: بەیاسایی کردنی دەرماڵە کانیان کە بڕەکەی مانگانە بۆ هەر فێرخوازێکی ناوشار ٤٠ هەزار دینارە و بۆ فێرخوازی دەرەوەی شاریش ٦٠ هەزار دینارە، لەگەڵ کەمکردنەوەی کرێی خوێندنی پاراڵێڵ.



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 924,561     ژمارەی میوان 20