نوێنه‌رێكى فێرخوازانى زانكۆی گه‌رمیان: سبه‌ى بایكۆته‌

2022/11/12 - 04:05 | 72 جار بینراوە    
 
ده‌نگ نێت
 
فێرخوازانى ناڕازیی زانکۆی گەمیان جەخت لەدرێژەدان بەناڕەزایەتییەکانیان دەکەنەوە،  نوێنەرێكیشیان دەڵێت: لەگەڵ بەشێکی زۆری زانکۆکاکان بڕیاری بایکۆتمان داوە.
 
ناڕه‌زایەتی فێرخوازانى زانکۆی گەرمیان، هاوشێوەی زانکۆکانی دیکەی وەک: سلێمانی، هه‌ڵه‌بجه‌ و راپەڕین، بەردەوامی هەیە، کە داواکارییە سه‌ره‌كییه‌کانیان بە یاساییکردنی دەرماڵەکانیان و کەمکردنەوەی کرێی خوێندنی پاراڵێڵە.
 
دڵشاد عەلی، یه‌كێك له‌ نوێنەرانی فێرخوازانى ناڕازی له‌ زانکۆی گەرمیان، بە رادیۆی دەنگی وت: لە سبەینی یەکشەمەوە دەست بە بایکۆتکردن دەکەینەوە، تاوەکو دڵنیا دەبینەوە لەزامنکردنی مافەکانمان.
 
ئەو نوێنەرەی فێرخوازان باس لەوەش دەکات لەگەڵ  بەشێکی زانکۆکانی دیکەش رێککەوتون بۆ ئەوەی دەست بە بایکۆتکردن بکەن و نەچنەوە هۆڵەکانی خوێندنەوە.
 
ئه‌مه‌ش له‌كاتێكدایه‌ رۆژى پێنجشه‌مه‌ى رابردو فێرخوازانى مانگرتوى زانكۆی گه‌رمیان باسیان له‌وه‌كرد گوشاریان له‌سه‌ره‌ بۆ كۆتاییهێنان به‌ خۆپیشاندان و بایكۆتكردنیان و هێزێكى ئه‌منی زۆر بۆ رێگرتن له‌ خۆپیشاندانه‌كانیان بڵاوكراوه‌ته‌وه‌.
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 924,781     ژمارەی میوان 44