دەنگ نێت
دیاری محەمەد، بەڕێوبەری سەنتەری میترۆ دەڵێت: دوای ساڵێک لە کارکردن و ١٢٦ مۆر و ئیمزای رەزامەندی لایەنە فەرمییەکان و خەرجکردنی پارەیەکی زۆر، شارەوانی کاری دروستکردنی خانوەکەی پێ راگرتوە.
دیاری محەمەد، لە پۆستێک دا لە هەژماری خۆی لە فەیسبوک، ژمارەیەکی زۆر نوسراو و عەرزوحاڵی مامەڵەی دروستکردنی خانوەکەی داناوە کە بە وتەی خۆی تێکڕا ١٢٦ مۆر و ئیمزایان پێوەیە.
ئەو بۆ رادیۆی دەنگ وتی: لە ساڵی پارەوە بەدوای مامەڵەکانی خانوەکەی دایە کە لە گەڕەکی رزگاری شاری سلێمانی دروستی دەکات کە دوای ئەو ١٢٦ مۆر و ئیمزایە دەستیپێکردوە و پارەیەکی زۆریشی تێدا خەرج کردوە، کەچی ئێستا شارەوانی دەڵێت دەبێت کارەکە رابگریت.
بە سەرسوڕمانیشەوە وتی: "ئەو کەسەی کە خۆی مۆڵەتەکەی پێداوم، ئێستا هەر خۆی دەڵێت ناکرێت!".