لە هەفتەی چەک داماڵین دا لە گەرمیان هیچ چەکێکی بێمۆڵەت دەستیبەسەردا نەگیراوە

2022/10/29 - 01:24 | 90 جار بینراوە    
 
دەنگ نێت
 
نزیکەی هەفتەیەکە هەڵمەتی دەست بەسەرداگرتنی چەکی بێمۆڵەت دەستی پێکردوە و بەرپرسی لیژنەی دەست بەسەرداگرتنی چەکی بێمۆڵەت لە ئیدارەی گەرمیان دەڵێت: تائێستا دەستمان بەسەر هیچ چەکێکی بێمۆڵەتدا نەگرتوە. 
 
لە هەفتەی چەک داماڵیندا، لە ئیدارەی گەرمیان هەڵمەتی دەستبەسەرداگرتنی چەکی بێمۆڵەت لە ۲٤ـی مانگەوە دەستیپێکرد و بڕیارە سبەینێ کۆتایی بێت.
 
عەقید: حسێن شێرزاد، بەرێوبەری کاروباری ناوخۆ لەئیدارەی گەرمیان و سەرۆکی لیژنەی چەک داماڵینی گەرمیان، بۆ رادیۆی دەنگ وتی: هەڵمەتەکە زۆر باش رۆشتوە، بەڵام تائێستا دەستمان بەسەر هیچ چەکێکی بێمۆڵەتدا نەگرتوە. 
 
ئەم هەڵمەتەی دەستبەسەرداگرتنی چەکی بێمۆڵەت لەسەر فەرمانی وەزارەتی ناوخۆ دەستیپێکردوە و هەتا ٣٠ـی ئەم مانگە بەردەوام دەبێت، هەرچەندە کات و شوێنی دانانی مەفرەزەکان گۆڕاوە، بەڵام بەوتەی عەقید: حسێن شێرزاد، تا رۆژی پێجشەمە دەستیان بەسەر هیچ جۆرە چەکێکی بێ مۆڵەتدا نەگرتوە. 
 
هۆکاری دەست بەسەردانەگرتی چەکی بێمۆڵەتیشی گەڕاندەوە بۆ ئەوەی کە بەس بازگەی کاتیان داناوە و نەڕۆشتونەتە سەر ماڵان.



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 924,708     ژمارەی میوان 37