بەشێک لە خاوەن مینی پاسەکانی کەلار: بەشێک لە مامۆستایان ناهێڵن ئێمە ئیش بکەین

2022/10/27 - 11:40 | 175 جار بینراوە    
 
دەنگ نێت
 
شۆفێرانى هێله‌كانى گواستنه‌وه‌ى ناوخۆى كه‌لار ده‌ڵێن: به‌شێك له‌ مامۆستایان پاسیان هه‌یه‌ و كارده‌كه‌ن، به‌مه‌ش بارگرانى بۆ ئێمه‌ دروست كردوه‌، چونكه‌ كاریگه‌رى كردوه‌ته‌ سه‌ر كاره‌كه‌مان. 
 
ئومێد حه‌مید، شۆفێر له‌ هێلى گواستنه‌وه‌ى سەرکەوتن- گۆران له‌ قه‌زاى كه‌لار بۆ رادیۆى ده‌نگ، وتى: هه‌ندێك مامۆستا هاتون پاسیان پێیه‌ و كارده‌كه‌ن، له‌ كاتێكدا موچه‌یان هه‌یه‌ و هاوكات به‌ڕێوبه‌رى قوتابخانه‌شن، ته‌نانه‌ت مامۆستایانى لادێكانیش خۆیان ده‌یان به‌ن، ئه‌مه‌ش بارگرانى بۆ ئێمه‌ دروست كردوه‌، چونكه‌ كاریگه‌رى كردوه‌ته‌ سه‌ر كاره‌كه‌مان و نه‌فه‌ره‌كانى ئێمه‌ ده‌به‌ن.
 
وتیشى: ژماره‌یان نزیكه‌ى 20 مامۆستا ده‌بێت. 
 
رادیۆى ده‌نگ بۆ وه‌رگرتنى زانیارى زیاتر په‌یوه‌ندى به‌ ئیدریس مسته‌فا، به‌ڕێوبه‌رى به‌ڕێوبه‌رایه‌تى گواستنه‌وه‌ى گه‌رمیانه‌وه‌ كرد، بەڵام ناوبراو په‌یوه‌ندیه‌كه‌ى بێوه‌ڵام بو.



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 924,664     ژمارەی میوان 38