گەرمیان؛ پرۆژەیەکی نیشتەجێبون ٤ هەزار دۆلار داشکاندن دەکات بۆ یەکەکانی

2022/10/26 - 12:01 | 411 جار بینراوە    
 
دەنگ نێت
 
كۆمپانیاى جێبه‌جێكارى پرۆژه‌ى نیشته‌جێبونى ده‌روازه‌ى كفرى بۆ هه‌ر یه‌كه‌یه‌كى ١٨٠مەتری، داشكاندنى كردوه‌ به‌ برى ٤ هەزار دۆلار، به‌ڕێوبه‌رى وه‌به‌رهێنانى گه‌رمیانیش هۆكاره‌كه‌ ده‌گه‌ڕێنێته‌وه‌ بۆ نه‌بونى خواست له‌سه‌ر پرۆژه‌كه‌ له‌لایه‌ن هاوڵاتیانه‌وه‌.
 
كۆمپانیاى خاكى عه‌فرین كه‌ جێبه‌جێكارى پرۆژه‌ى نیشته‌جێبونى ده‌روازه‌ى كفریه،‌ رایگه‌یاندوه‌: هاوڵاتیان ده‌توانن ببن به‌ خاوه‌نى یه‌كه‌یه‌كى ١٨٠ مه‌ترى به‌ ٤٥ هەزار و ٨٠٠ دۆلار (٤٥٨ گەڵا)، به‌ جۆرێك بڕی ٤ هه‌زار دۆلارى بۆ هەر یەکەیەک له‌ پرۆژه‌كه‌ داشكاندوه‌ وه‌ك ئۆفه‌رێك، هاوكات به‌ پێشه‌كى ٥ هه‌زار دۆلار و مانگانه‌ش به‌ قیستى ٣٠٠ دۆلار.
 
ده‌شڵێت: ئەم ئۆفەرە تەنها لەزۆنی ١ بەردەست دەبێت لە زۆنی ٢ و ٣ نرخەکەی دەبێتە (٥١٠ گەڵا).
 
هونه‌ر مه‌حمود، به‌ڕێوبه‌رى گشتى وه‌به‌رهێنانى گه‌رمیان، له‌مباره‌یه‌وه‌ بۆ رادیۆى ده‌نگ وتى: هۆكاری داشکاندنەکە نه‌بونى خواسته‌ له‌سه‌ر پرۆژه‌كه‌ له‌لایه‌ن هاوڵاتیانه‌وه‌، بۆیه‌ كۆمپانیاش به‌ ناچارى داشكاندنى كردوه‌ بۆ ماوه‌یه‌كى كاتى له‌ پرۆژه‌كه‌دا به‌ بڕى ٤ هه‌زار دۆلار.
 
وتیشى: تاوه‌كو ئێستا رێژه‌یه‌كى كه‌مى هاوڵاتیان فۆرمی پرۆژەکەیان وه‌رگرتوه‌.
 
پرۆژه‌ى یه‌كه‌ى نیشته‌جێبونى ده‌روازه‌ى كفرى، خۆى له‌ هەزار یه‌كه‌ى نیشته‌جێبون ده‌بینێته‌وه‌ و له‌ قۆناغی ده‌ست به‌كاربوندایه.



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 924,794     ژمارەی میوان 43