دواین زانیاریی لەسەر روداوی کوشتنی گەنجەکەی کەلار

2022/10/26 - 11:53 | 720 جار بینراوە    
 
دەنگ نێت
 
دوای ئەوەی شەوی رابردو گەنجێک لە کەلار کوژرا، پۆلیس دەڵێت: شەش گومانلێکراو دەستگیر کراون، سەرچاوەیەکیش ئاشکرای دەکات بکەری سەرەکی تاوانەکە هێشتا دەستگیر نەکراوە.
 
شەوی رابردو نزیک بە قەڵای شێروانە، گەنجێک بەناوی: داود سلێمان حەیان، تەمەن (٣١ ساڵ)، لەناو ئۆتۆمبیلێکەوە تەقەی لێکرا و پێکرا، لە رێگای گەیاندنی بە نەخۆشخانەی سلێمانی، گیانی لەدەستدا.
 
لەبارەی روداوەکەوە، وتەبێژی پۆلیسی گەرمیان بۆ رادیۆی دەنگ وتی: ٦ گومانلێکراو لەسەر روداوەکە دەستگیر کراون.
 
عەلی جەمال، وتیشی: لێکۆڵینەوە بەردەوامە و ناتوانین زانیاری زیاتر بخەینەڕو.
 
هاوکات سەرچاوەیەکی ئاگادار بە رادیۆی دەنگی وت؛ تائێستا ئەنجامدەری سەرەکی تاوانەکە واتا ئەوکەسەی تەقەکەی کردوە، دەستگیر نەکراوە، بەڵام هێزە ئەمنییەکان سەرە داویان دەستکەوتوە لەوبارەیەوە.



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 924,598     ژمارەی میوان 37